وقف وقوفٍ مايجي فيه اعتذار

وقف وقوفٍ مايجي فيه اعتذار





ياعزي لوقتٍ رفع بعض الصغار

كبر صغارٍ مالها فعل مخبور

ما للكبار الا المواقيف الكبار

ولا الرخا به كلنا طوال الشبور

والكايدة تبغى صواريم الحرار

اللي لها قلبٍ على الشدة جسور

ياصاحبي مايهدم صروح الوقار

الا الهروج اللي مع الوقفه تبور

وقف وقوفٍ مايجي فيه اعتذار

ولاّ تعذر عن وقوفك ومعذور

ماهيب لحية طق صدرٍ واغترار

والّا اعذروني كان جاء مني قصور

بعض الأمور اشبه بلحضات احتضار

يعني تبي حلّال صعبات الامور

ماتنتهي بـ ابشر وهرجٍ مستعار

لابالله الا حلها وقفة حضور


عبدالله بن داود العصيمي

شكرا على الطرح المميز
جزاك الله خيرا
وتحياتي لك

شكرا لك
بانتظـآر جــديدك القــآدم
آحتـرآمي لك

مشاركة مميزة
واطلاله رائعة
تسلم الايادي ولاحرمنا من هذا التواجد الفعال

ودي لك وتقديري