نور المحبة ❤️️

نور المحبة

سارة بنت تركي

أشوف منك الخطأ أسكت وأعدي لك
ياما نصحتك تتوب وترفق بحالي
إن رحت بالله قلّي ليه أنادي لك
يا كثر ماني عليك مطوّلة بالي
خنقت نور المحبة في عبث ليلك
إلين ماتت على كفّينك قبالي
كنت أحملك طفل في صدري وأغني لك
كنت أمسح الحزن عنك في طرف شالي
كنت أمنع دموع عيني فوق منديلك
ما ودي تحس في جرحي وغربالي
كبرت واشتد عودك واكترب حيلك
وأول ضحاياك قلبي وآخر آمالي
لا بد من يوم تشرب من معاميلك
وتذوق وشلون طعم المر من غالي
من صادق شعور قلبي كنت أسوي لك
ومن صادق شعور قلبك هنت منزالي
إلى هنا وانتهى مشوار تبجيلك
شكرًا على الجرح.. واتركني لترحالي