من كل بحر قطرة

يا شين صد الرفيق ومسة الحاجة
وفقدانك الحاجة اللى كنت ذاخرها

وصد أقرب الناس لك لا صرت محتاجة
يثر على النفس ويزود مواجعها
_ _ _ _ _ _ _ _ _ _ _ _ _ _

ياقلب لا تشرهـ على بعض الكلام
ماكل خَلق الله مع الدرب السوي

وإن ما حصل لك خوة الناس الكرام
أحسن لك تعيش الحياة بلا خوي..
_ _ _ _ _ _ _ _ _ _ _ _ _

الـحـر وافـــي مـايـخُـون بـراعـيـه
حتـى لـو انـه ! .. دون راعيـه ينصـاااب..

لاضـاعـت الهـقـوه تـمـوت المشـاريـه
ماكنهـا الا ( ثـلـج ) فــي كـفـي و ذاب ..
_ _ _ _ _ _ _ _ _ _ _ _ _ _

راسٍ يبادلك الوفا حب خشمه
حطه على يمناك وارفع مقامه

وراسٍ يقلل قيمتك لا تحشمه
لو زان في وجهك لقاه وكلامه
_ _ _ _ _ _ _ _ _ _ _ _ _ _

حنا مع اللي يرفع الراس طاريه
الصاحب اللي ما تربى على العيب

اللي على طيب المراجل مساعيه
يستاهل التقدير يستاهل الطيب
_ _ _ _ _ _ _ _ _ _ _ _ _ _

يا كذبها قولت ترى الناس للناس
والسالفه ما عاد تحتاج تفكير !

اما تصير بموقفٍ يرفع .. الراس
ولا عساها ما تحقق ولا تصير

قد لي ثلاث ايام حاير ومنحاس
الحال ما به خير واقول انا بخير !

من زود همي ما جذب عيني انعاس
كن السهر حاتم وجفني مسايير !!
_ _ _ _ _ _ _ _ _ _ _ _ _ _

لو صحيح الحظ يرقد ثم يصحى من رقاده
كان انا ماقام حظي عند بيبان الرخوم

جعل حظ مثل هذا مرجعه كبر الوساده
ولا رقد ليته على الله من رقاده مايقوم