فوق هام السحب ( الشعر الشعبي) على متن القوافي

لاتعتذر :


لا تعتذر ..

قلي وش يفيد العذر ؟!!

من قبل لا تبدا غيابك

وانت في وصلك حذر ...

لا تعتذر ..!!!

*****

من حولي أحبابي أراهم يختفون

مدري الزمن ناوي كذا ؛

والا هم اللي يقصدون !!

مدري شسوي بعدهم ...!

مدري أنا انساهم واروح

واخاف الزمان يجيبهم ...

واخافنّي انطرهم يجون

وسوء البخت ما يجيبهم ...

*****

بغيابهم..

أسمع رمـــــــاد أصواتهم..

وأحسهم ما يسمعون !!

أتبع ســــــراب أزوالهم..

لكنهم ما يوقفون !!

من بعدهم..

تتساقط أوراق العمر

ويدفها ريح الخريف...

ويظل عمري بلا ورق

وتتلاشى أصوات الحفيف-


؛أحمد التيمان؛

ود
@جاهله@

مجرد أقنعة :




تناثرت كل الملامح وانكسر وجه الغرام
ثم امتلت كل الشوارع من وجيهك أقنعه !


وجهٍ تناثر .مع هشيم الريح وجنوبه حطام
وجهٍ تبعثر بانكسارك وانحنى في : مرتعه !


وجه ٍ توارى خلف غيمات المساري واللثام
وجه ٍ تلاشى مع طيوف ٍ بالمحاري مفجعه !


كل المدينة من سواتك لفّها ثوب الظلام
ولاّ الرصيف اللي جرحته والمراكب مسرعه !!


مدري ! عيوني أجحفت ! ولا احتوى صدري غمام !؟
ما عاد اشوف ! الا وجيه ٍ تنكسر في معمعه !


يا صاحب الحب الذي فيه الهوى حده كلام
فيك العشق كله ثواني وذكريات ٍ ممتعه!


لو يمدحونك بالمثالي وانك الحر ّ القطام
لو يحسبونك للملا أسمى دليل ِ نتبعه !


أنت الذي خان وتمادى والتحف ثوب الوئام
أنت الذي قوله مبادىء والفعايل تخدعه !



منذ متى والكذب شيمه من شيّم بعض الكرام !!
منذ متى والغدر زاده في دروبك أمتعه !!


أبحرت في لجّة عيونك أرتوي منك الهيام
ليت السفينة مابحرت من غير زاد وأشرعه !


من يوم انا فتحت عيني و انت لي زاد وفطام !
صعبه ! على المولود يحيى دون زاد ٍ يشبعه !



أكبر ويكبر داخلي حلمٍ ٍ على جفني ينام
كنّي أسير ٍ يحتري صبحٍ ٍ يناجي مصرعه !



الله يعين القلب كنه شايل ٍ هم الأنام
من صدمة ٍ خلّت جروح الليل فيني مبدعه !


هزتني الدمعة وانا اللي لو ذرفتك كل عام
تنثرني العبره ووجهك لو يسامح أجمعه !



والحاجه اللي في يدينك مالها أي اهتمام .
دام الحقيقه مالها في سر ّ ذاتك منفعه !



قبل الرحيل استأذنك !! في كلمتين وباحترام
مدري !! على سمعك تمر ّ ! ولا بقلبك موجعه !!



مدامك انت اللي كذا !! أجل : على الدنيا السلام
وكل الوجيه اللي تقابلني مجرد أقنعه !



؛أغراب؛

ود
@جاهله@

لي صاحب دايم جموح حصانه
تعبت وانا اقول يصاحبي هد

أرجوك تعرف كل شيء ومكانه ..
واعرف متى تمزح واعرف متى الجد

حتى لو أنك قد طرحت الميانه ..
ترى الميانه والاخوه لها حد .

ما كل رجال وسيع بطانه ..
ولا كل كلمة للرجاجيل تنعد .

ولا كل واحد ضاحك له زمانه ..
ولا كل صاحب يقبل عتابك بود .

دنياك هاذي ما عليها ضمانه ..
ما كل من قال انا اسد بيسد .

البرج لو شفته طويل وتكانه ..
يبنى بخمس سنين لحظه وينهد

خلك مثل بحر كبير كيانه
ما تطلع أسراره مع الجزر والمد .

نصيحتي للي طويل لسانه ..
اقول من حد الرجاجيل ينحد .

أما خسرت اللي عزيز مكانه ..
والا تجيلك كلمة ما لها رد .

الشاعر... جاري البحث عنه

مساء الخيرات


تقاسيم بوح :



( 1 )

ورا بيتي سكن عصفورْ

يحب النور

يخاف الظلمة اللي صوتها مغرورْ

أجيه بآخر الشارعْ

أجيه الشاعر البارع

يغنيني ..!!

يناديني

وأنا مبهورْ

ياربي كيف ها العصفورْ

قدرْ يقطف غصون النورْ

وأنا الشاعر ..

عجزت ألمّ من ضعفي

شظايا قلبي المكسورْ ..!!

( 2 )

مثل رش المطر هادي ..

على الوادي

مثل مانتَ بقايا حروفْ

وأنا في حزني الأول مثل ماتشوفْ

أنادي راحة الخاطر

وأنا شاعرْ

وأحنِّط شهقتي ملهوفْ ..!

( 3 )

أبي أكتبْ

عشان ألقاك من أوَّلْ

وأبي أشطب عشانْ أقراك وأطوِّلْ

سهرت الليل بذنوبي

نسيت العطرفي ثوبي

وطرت بحرفك الأوَّل ..!

مساء الحرف كله فالغرام يهون

دموع الصوت .. أو حتى دموع الكون ..!

أنا عاشقْ

قبل هذي الحروف وذي

ومن عشقي بديت أهذي ..!

جمعت لحسرتي فالليل نجم الصبحْ

وعشت بعطرها فالصبح ضحكة جرحْ

أبي أكتبْ

وأبي أشطبْ

وأبي أرجع من الأولْ

أقول أحبْ .

( 4 )

شجن ما يكفْ

وعين ترف

وحزن يصادر إحساسي

أنا ما أعيش بأنفاسي ..!

وإذا مرة سألتيني ..

عن أحزاني .. وعن ياسي

بقول انتي

وعن حلمي ونوماسي

بقول انتي

وإذا مرة ..تذكَّرتي وأنا ناسي

بقول الذكريات انتي ..!

شجن ما يكفْ

وعين ترف

مرار الوقت في كأسي !

( 5 )

نمر فيومنا الثالث ..

ولا أشوفك ..

أفكِّر بس بظروفك

وأناظر شوق بحروفك ..!!

أحس برعشتك .. خوفك

من اللي صار ..

أكيد البارح احتجتي لأحد مثلي ..

ومن بعدي .. محد بعدي ولا قبلي ..!

أنا اللي أعرف إحساسكْ ..

وأعيش الخوف بأنفاسك ..!

وأنا اللي فيومنا الثالث

تحريتكْ

ولا جيتي ..

وصرت أخاف من بيتي...

؛الشاعر-إبراهيم الوافي


ود
@جاهله@

مساء النور
وِجْهَةْ نَظَرْ


إسْعَى إلَى حِلْمِكْ وْحَدِّدْ مِسَارِكْ
وِ انْ مَا قِدَرْت تْحَقِّقِهْ، خَيْر يَا طَيْر
لاَ تَاخِذْ الدِّنْيَا عِنَادْ وْ مَعَارِكْ
إذا ادْبَرَتْ.. خِيْرِهْ وِاذَا انْهَا اقْبَلَتْ.. خَيْر
قَلْبِكْ دِلِيْلِكْ.. وِ الْعَقِلْ مِسْتِشَارِكْ
و اللَّى كِتَبْه اللّه لِكْ يْصِيْر.. بَيْصِيْر
أنَا احْتِرِمْ وِجْهَةْ نِظَرْك وْ خِيَارِكْ

لَوْ كَانْ مَا لِلَّى حِصَلْ أيّ تَبْرِيْر
وِ الْقَلْب هذا اللَّى ابْتَلَى وِ اسْتَخَارِكْ
كِبِيْر مِنْ قَبْلِكْ وْ مِنْ بَعْدِكْ كْبِيْر
حَتَّى وْلَوْ انِّكْ كِوَيْتِهْ بِنَارِكْ
يمُوْت مَا يَشْكِيْ عَلَيْك وْ عَلَى الْغَيْر
السَّالفه مَا هِيْب ثَارِيْ وْ ثَارِكْ
لاَ انْتِهْ (كِلَيْب) وْ لاَنِيْ بْـــ(سَالِمْ الزِّيْر)
إذَاجَرَحْتِكْ دُوْن مَا اقْصِدْ.. تِدَارَكْ
وِ الاَّ بِدَرْ مِنِّيْ بَلا عَمْد.. تَقْصِيْر
إِجْرَحْ وْ خِذْ حَقِّكْ وْ رِدّ اعْتِبَارِكْ
وِ انْ زِدْت فَوْق جْرُوْحِكْ جْرُوْح.. لاَ ضَيْر
اللَّى مْنَزِّلْ فِيْ كِتَابِهْ (تِبَارَكْ)
نَزَّلْ لِكْ فْـ.. قَلْبِيْ مَحَبِّهْ وْ تَقْدِيْر
مَحَبِّةٍ مَا تِنْحِصَى وْ مَا تِشَارَكْ
سِتْر وْ غِطَا.. أوْ سَمَّهَا.. سِرّ فِيْ بِيْر
مَا جِيْت أقُوْل إرْجَعْ وْ رَاجِعْ قَرَارِكْ
أوْ انْتِظِرْ مِنِّكْ إجَابِهْ وْ تَفْسِيْر
وْ مَا جِيْت أقُوْل إشْ حَالِكْ؟.. وْ وَيْن دَارِكْ؟
وْ لا أعْتِذِرْ.. وِالاَّ أدَوِّرْ مَعَاذِيْر
أنَا فَقَطْ.. حَبَّيْت أعَايِدْ وَابَارِكْ
لا تِنْزِعِجْ مِنِّيْ وْ لاَ تْضِيْق وِ تْحِيْر
عِيْدِكْ مِبَارَكْ.. عِقُبْ يَوْم ٍ مِبَارَكْ

وْ(كِلْ عَامْ وِ انْت بْخَيْر).. لَوْ مَانِيْ بْخَيْر



شعر: محمد بن طريش

لاحد يقول إن المواجع تخصه ..
وهو الوحيد الي شكى من عناها ..

كلن وله في بنك الأوجاع حصه ..
متشابهه لو يختلف محتواها ..

وبقلب كل إنسان موجود قصه ..
لو يزعم بنسيانها مانساها ..

فهد الشهراني...

بيتين جميلة لمحمد ابن فطيس

البارحه قلت اطلب الله وصليت
واحترت وش أقول له لا طلبته

عندي عيال وعافيه وأمتلك بيت
والخير واجد وأستحيت وحمدته




وكان الردّ من فهد النماصي
صليت يـ بن فطيس لاكنك اخطيت
والناس تنقد كل شيٍ ذكرته

المال والدنيا والأمجاد والصيت
من فضل ربك كل شيٍ وجدته

ليتك طلبت الجنه اللي تناسيت
أبرك من الي بالقصيدة سردته

يا خلق علم الوكادي
وأنتصب سوق المزادي
وأنتصب سوق الحرايب
وقام دلاله ينادي

أسعرت نار الحرايب
ثارت بكل البلادي
عاضدوا سلطان باشا
عنتر بيوم الطرادي
صالح عمار

مساؤكم خزامى


منت رايق :


منت رايق فيك شي ومتضايق
مانت في طبعك ولا هذا مزاجك



التفت لي شوي محتاج لدقايق
انا ماصدقت اشوفك وانتواجه


ودي اطفي بشوفتك نار الحرايق
ودي انسابك ردى الحظ وعجاجه



عش معي في فرحتي وانسى الخلايق
واسمع لرعشة خفوقي واحتجاجه


علم مابينك وبين الما عوايد من رحيق
ازهار روضي وابتهاجه


ليه تخفي يابعد روحي الحقايق
يسألك قلبي دخيلك بس ناجه


وين عني شارد عنظره توايق
مانت في حالة ظلام ولا سراجه


آه ياحلوك عليك الحزن لايق
ياجعل ربي يعجل في انفراجه


جت تسائلني علامك منت رايق
قلت رايق بس ابكتب فيك حاجه



؛نواف بن فيصل؛


ود
@جاهله@

ماسمح قلبي يروح ولا يرى .. زول محبوبه ولوهو من بعيد
آه واويلاه ياليته درى .. كيف حبه في حشا روحي يزيد
اودرىاني منه قدحالي برا.. ذايب بالي عقب ماهو حـديد
وان من الابعادموحي المقبرا.. يحفرونه لي وموقن بالوعيد
يالزيمي قول للي يحفرا.. ويوسع الملحدعلشان اللحيد
ويحجزبيي ومابين الثرى.. عن عظام ناحلات كالجـريــد
وانت يادفان يالي تقبرا .. يامهيل الترب بالسرعةمجيد
حط من فوق القبر حتى يرى .. بنيتين كالنصايب له شهيـد
يعرفون القبرمن جاينظرا.. يعرفونه قبرمذبوح الوديـد
قبرمن صان المودةواسترا.. قبرمن لاخــان عهـد للعهيد
من صبر للحب حتـى بتـرا.. زرع قلبه واودعه حب حصيـد
تم عامين بجوفي ينســرا .. نسرملهوف الضواري للمصيـد
كودليمن جاه علمي يذكرا.. وانعتواقبري لمعلوقي وكيد
يآتي لقبري ويذكرماجـرى .. يوم اناوياه في الدنياعضيد
ويترحم بالدعى ليمن را.. يوم خلاني وسط قبري وحيــد
وان سمح الدمع ودي ينثرا.. فوق قبري عبرة مثل الوليد
آه منه لين صدر وادبرا.. رايح عني وخلاني فـــريــد
كيف قلبه ساعته ثم صبرا.. كيف رجله له مشت فوق الصعيد
والذي هوعادي دونه ذرا.. فدوة عن كل من جاله ضديد
كيف اجل لومات وانا ارى.. كان طريت السلب طر العنيد
واحترقت وكان قلبي قد ورى.. شب نار كنها نار الوعيد
تحتطم وسط الضمير وتسعرا.. مايبردهالوالثلج الجـميـد
ثم تلقاني علىروس الذرى.. نايح مع كل قمــري يشـيـد
لين غردطال نوحي واطهرا.. وا هجع جريت انا نوحي سهيد
وانهمل وانهل دمعي وامطرا.. مقلتين العين واودعها هميد
ماهقااني عقب موته في الورى.. عايش الا وانا مثله فقيد

للشاعر المرحوم محمدبن عبدالوهاب الفيحاني