إن عشت يا راسي كسيتك عمامه

إن عشت يا راسي كسيتك عمامه

وان مت يا راسي فدتك العمايم

يا راس شيبك ما بدا بك مذله

والشيب تكرم به كبار اللمايم

الاجواد يكرم شيبها في مشيبها

نقالة القالة محوص الصرايم

ياما نطحنا في الصبا من قبيلة

يوم الصبا والرمح للكيف رايم

وياما خذينا تونا من كسابه

بسيوفنا راح تقسم غنايم

وياما نسفناهم على جال وادي

وياما نحونا فوق سود الشكايم

اربع مية خيال جونا مسيره

جونا يبون الغرس حلو الطعايم

وقالوا يسار الغرس والا يمينه

امس لكم واليوم جا فيه سايم

وقلنا لهم من دونه الموت حامي

اليوم نهدي الروح نخشى اللوايم

وثنيتها لعيون غرس بكاير

يثمر بهيبتنا غصونه نعايم

واخذت اطاردهم وانا فوق قبا

مثل الهدود اللي عن العشب صايم

تلحق ليا غارت ولا يلحق بها

شقرا ولا ضريتها بالهزايم

من يوم بان الفجر لين اعتلى الضحى

وحنا نقلط للمسيّر عزايم

والله عطانا منصب الحق والظفر

يوم التقت بين القروم الولايم

يوم اسلموا للمنع واسندت عنهم

لياهم كما عشب لفح به سمايم

هذاك اسير وذاك يومه دنابه

وهذاك مكسور وهذاك شايم

هذا زمان فات ما ينفع المنا

يوم اذكر الماضي تزيد العظايم

الراس شاب وثالثة رجلي العصا

والله يوقظ قلب من كان نايم

لعل قبل الموت نسمع بشيره

بجاه من يحيي العظام الرمايم

وصلاة ربي عد ما ذعذع الهوا

على النبي واصحابه اهل الكرايم


الشيخ .. محمد بن سرار الشهراني رحمه الله

شكرا على القصيدة يالغالي

جَزآگ اللهُ خَيرَ آلجَزآءْ..،

دَآمَ لَنآعَطآئُگ..

دُمْتِ بــِطآعَة الله ..~

قصيدة مميزة
بارك الله فيك واثابك الجنه
جزاك الله خيرا

تسلم الايادي على الطرح الجميل

لاعدمناك
جزاك الله خيرا
لك ودي وتقديري

جزاك الله خيرا على المشاركة
ولا عدمنا حضوركم المميز
تحياتي لك

يعطيك العافيه
وصح لسان شاعرها
بانتظار جديدك القادم بشوق ..

شكرا على الطرح الرائع

جزاك الله الف خير على كل ما تقدمه لهذا المنتدى

ننتظر إبداعاتك الجميلة بفارغ الصبر

مشاركة مميزة
واطلاله رائعة
شكرا لك
تسلم الايادي ولاحرمنا من هذا التواجد الفعال
ودي لك وتقديري

بارك الله فيك
وجعل ما تقدمه من موضوعات
في ميزان حسناتك
دمت بخير ..

موضوع مميز
بارك الله فيك واثابك الجنه
جزاك الله خيرا