قصيـــده في ابن العم سعد بن عوضه

والله اللي يفعل الطيـــــــب في رجـــل يخــــــون
مثــــل رجال حيـــاته ضيـــــــاع في ضيــــــاع

الـــــرجال اشكـــال والــــوان يللي تفهمــــــون
حكــمة المــــولى جعل كل واحــــد له طبــــــاع

بعضهم من دون مبــــدى يعيـــــــش بكل لـــون
يتلـــــون ســـــــــود الله وجهـــــه بالخـــــــداع

ذاك لو قــــــربت حــــوله تظن بك الظنـــــــون
جعـــله وشـــــرواه في البــــر مأكل للسبـــــاع

من يعـــيش بعـــدة وجيــــــه جعله للجنــــــون
ضـــــاع عمـــره ماكسب خيــر والدنيا متـــــاع

ودي ان اهل الـــــــــردى بالمقــابـــر يدفنــــون
حتى لوهم من هلي او خـــواني من الــــرضـاع

الـــردي مالك ومال الـــردي مهــما يكـــــــــون
لو صفـــالك من رداته تـــــرى للخبــث ســــاع

ان لقى له مصلحه يصبــح لشخصك حنـــــــون
وان لقى له غيــر يصبح عـــــدو صاحب نــزاع

جنبـه لا رحـــم جـــــــــده ومن له ينسبـــــــون
معـــرفة من كان طبعــــه كـــــــذا ما فيــــه داع

صحبــــــة ماهيــــــــب لله تبقـــــــــى دون دون
واخـــــرتها ينتــــهــــي كل وصــل بأنقطــــــاع

كان من انت للمــواجيـــب تتـــعب وش تكــــون
غيــــر عـــــالة مجتــــمع لا تفيـــــد ولا تطـــاع

يا عــــدو المــرجــــله كيف تـرضى بالمهـــــون
كان ما تحمـــي مقــام الرجـــــال البس قنــــــاع

احـــمد الله واشكــره يــوم لي رجـــال عـــــــون
ان نصيـــته زال همــــــك ولو ما يستـــــطــــاع

تشـــعـر انه لك سنـــد دوم ولقــــدرك يصــــون
ما يبــــاع العهـــــــد والــود عنـــــده مايبــــاع

ان حضـــرت تشاهــــد الشـــوق حتى بالعيــون
المشاعـــر صــــادقه ما تصنعــها اصطنــــــاع

الــوفا لأهـــل الــوفا من زلاله يشــــربــــــــون
تحتـمي عـــرضك الى غبـــت تأقــف بالدفــــاع

وانت وافي يابو فيصـــل من اللـــي يجملـــــون
تعشــــق العــليا ومن يعشـــــق العليا شجــــاع

يا ســعد يا ســـعد من كنـــت له دائم زبـــــــون
شــوفتــك في ظلــمة الليل تضويلي شعـــــــاع

يا ولـــد عمي ويا عــــزوة اللــي يعتــــــــزون
الوفاء والطيب تســعى لبن عــوضـه ســـــراع

عزوتي لا جار وقتـــــي وكثـــر بي الطعــــــون
كل هم وحــــــزن بالقــلب يقلــــعه اقتـــــــــلاع

فلا تهــون يا راعـــي الطيــــب ابدا ما تهــــون
ما يهـــون الا الخبيـــثين يوم الخبـــث شـــــاع

والــرجا بالله ولاغيــــره احـــــــد ينفعـــــــــون
القلـــوب اللي بها الخبــث ينـــــزعها انتــــزاع

فان فعل الطيـــــــب والخيــر في رجل يخـــــون
مثل من راحت حيــــاته ضيـــــاع في ضيـــــاع

شعر ابو/ مـــاجد زهير بن مداوس ال حمدان الشمراني

الــوفا لأهـــل الــوفا من زلاله يشــــربــــــــون
تحتـمي عـــرضك الى غبـــت تأقــف بالدفــــاع


وانت وافي يابو فيصـــل من اللـــي يجملـــــون
تعشــــق العــليا ومن يعشـــــق العليا شجــــاع

ابيات جميله جدا يعطيك العافيه

صحبــــــة ماهيــــــــب لله تبقـــــــــى دون دون
واخـــــرتها ينتــــهــــي كل وصــل بأنقطــــــاع


صح عليك

تشـــعـر انه لك سنـــد دوم ولقــــدرك يصــــون
ما يبــــاع العهـــــــد والــود عنـــــده مايبــــاع

ان حضـــرت تشاهــــد الشـــوق حتى بالعيــون
المشاعـــر صــــادقه ما تصنعــها اصطنــــــاع

صدقت يا بن حمدان صح لسانك على المشاعر الصادقة وبو فيصل كفو ويستاهل ومثله يتباهى به الشعر وليس العكس

صح لسانك ياشاعرنا الكبير بن حمدان

ويستاهل ابو عوضه رجالٍ جزل

وقصيدة حكيمة وفي قمة الروعة

لاهنت واسلم وزد

حضور رآئـــع من شاعر مميـــز ..





شكرا لك وللإثراء



تبريــــ د

صح لسانك يابو ماجد وابو فيصل يستاهل قصيده رائعه من كفو الى كفو

صح السانك ياابو ماجد مبدع دائماَ

صح لسانك ويعطيك الف عافية قصيده جزله


ويستاهل العم سعد ابو فيصل

صح لسانك قصيده روعه وابداااع