لعبة معقده....تحتاج الي براعةالشعراء للتحدي فقط؟؟

س ي

سيف العِشِق بتَّار مكروه ذو حدّيـــــن = جوِّد على قلبك من النصف وامش ابهون
مهمى عطيت او خذت لا تذكر الثنتين = عُرْفْ الهوى يقلب مابين الطرف والعين

و ن

و ن

وناسه وجلسه يادماوي مع الغالين ====== تسلي قلوب اهل الحظوظ الشقاويه

خصوصا الى مريت ببحر ومعك الزين ====== وجلستوا على شاطيه في وقت عصريه

يه

ي هـ

يهلِّي ببو حيدر قصيدي ويمتـــــــــاز = حيث ان معْه الشعر يِحلى وينـذاق
كنَّه على هدّ المعاني مسى بــــــــاز = اليا قنص يقدي ولا يثني الســاق
صريح بس يجاذب القلب بألغـــــــاز = مخالبه تبحث مدى الحب لااشتـاق
هني من حازت بحبك ومن فــــــــاز = والزين يجهز في رضاكم وينساق
وجدي كما وجدك على حظّ ممتــــاز = مع جادلٍ ربروب يسرط بالاريـاق
احور عيونه خسف نيزك ومخــــراز = يفضخ مرار القلب مره وينــــــراق
جوّ وطبيعه تجعله دوم مركــــــــــاز = واغيِّب اوتادي واخيِّم بالآفـــــــاق
شي(ن) علاه استاهل الذنب بإيجاز = عِشْقَة قُمر يسرق من العين الامواق

ا ق

تحياتي لك اخوي ابو حيدر

ا ق

اقرا المسج وارسل ردودك ====== يا صاحبي لاتطول حيل

طولت بالهجر وصدودك ====== والقلب شاف العنا والويل

ي ل

ي ل

يلجئ احساسي لدولة غرامك يا اميرة = لا تردِّي خاطره خلف مايحْمد عقابه
قَنْصِلِيْه إليا بغيتي وذمِّريه أية ذِميرة = يعجبك ويصيغ لأمرك حقيقة من اكذوبه
كيف لا ولِّيتَه امر الوصاية والسريرة = بيْغَزيبك صفصف اصقاع من نهر الخطابه
طال عمرك ازهليه الصغيرة والكبيرة = والتجارب خير برهان ساعة جربيبه
المهمّ الحظ منكوس بي لو ماتجيرة = ليتك الذيب انك اشوى من الصاحب وطيبه
ايه ايه الحب يحطم على قلبي سعيرة = ارفقي بالقرم من قبل مايصبح هبيبه

ب هـ

ب هـ

بهرني بالجمال ومسكنه فالقلب من عامين ====== مربع في خفوقي ويتمشى بين واحاته

نسيمه شوقي الدافي يشعشع بين حين وحين====== ويرسل له حناني من عبيره بعض نفحاته

ته

ت هـ

تهت من روعة جمالك عساني مانعــــدم = ذيك الاحلى شي في الكون بسمة شفّتـــِك
وش حصلِّي انجهر شوفي وفمِّي انبصم = صرت من ذوي الحاجات الي مدمن بسمتك
يندفق حسّ انتعاشي مجرَّد لا زهـــــــم = كيف لو انك تقصدر جروحي بلوعتـــــــــك
تنخِثر وتشِدّ اكثر من اول والتئِــــــــــــم = وجِّهِي بوْصَل نيوني ليمِّك وابْخَتــــــــــــِك

ت ك

والله ونعم فيك يابو هديل شاعر ولد شاعر اخو شعراء

وش رايك لو نخليها على بيتين قصايدك اللي نزلتها هنا ارى بان تنشر باستقلال في بوح القصائد

لانها قصائد كامله احرجت البعض بقوتها الشعريه المبهره وانسحبوا وبقينا لوحدنا وتعرف انا وانت

نحب الجماعه ونبغى يستمرون معنا حتى يزيد التنافس

ت ك

تكفى ترى كررتها لين مليت +++++++ حتى انحنى لك خافقي تحت تكفى

احتجت لك لكن عني تخليت +++++++ تعرف ب أن الروح بدواك تشفى

ف ى

ونعم بحالك اخوي ابو حيدر وماعليك زود

وكلامك وسام على صدري اعتز فيه وفيك

واشكر اطرائك واحراجك

وابشر وفالك السفر انت والربع بيتين بيتين والربع انا متأكد ماغيبهم الا الاشغال وانا اقلكم شاعرية

العين ماتعلى على الحاجب واعذروني لاني خالفت نهج البيتين بيتين وهذي لقافة مني

ف ى

فاتت سنة ماجا من الزين مرسال = يالله عسى سترك عساه المهمّ ابخيـــر

لو يدري انّي من غيابه شريد البال = واضيَّع الخطوة واخالف مرور السير

ي ر

يريد ابن حيد ر يفتح النار والبارود==== على كل من يطرِب ليا جر مواله
ترفق ترانا بعد غيباتنا ...... بنرود==== وشرواك ينقر للمحبين .... جواله