إلى لابتي شمران

إهداء متواضع لكم
ولو كان لا يفي بحقكم

إلى لابتي شمران أبرسل لهم مرسول

من القلب لكن فيه بيتٍ لزوم يبين

أبنظم قصيده بس بيت القصيد يقول

ترى الرجل من دون الرفاقه قصير أيدين

وأنا أدري بقومي دايمٍ في اللزوم زحول

توقف مع الأصحاب في عسرها واللين
أ
أفاخر بهم لاعود العلم عد فعول

وإذا حانت الشدات ناديت بالوافين

وأنا جيت أشارك منتداهم بنظم وقول

وأشد الهمم فيهم على عزهم والدين

ولاني أنا الفاهم ولاني أنا المسؤل

ولكن لهم عندي معزه وباقي دين

وديني من اللي ينتصح لي وأنا مشغول

بلهو الحياه إلين راحت سنين سنين

وهملت ربعٍ دايمٍ للمعالي إتطول

وهم عزوتي واللي بلا عزوةٍ مسكين

ولكن لهم عندي ولاء فاق بالمعقول

وأنا جيت أجدد هالولا للابتي هالحين

وأوضح لنفسي بيت شعري وهو يقول

ترى الرجل من دون الرفاقه قصير إيدين