بمشاعر المحبة .. قصيدة أوجهها للأستاذ والشاعر أبوسامي الشمراني بمناسبة التكريم

السلام عليكم ورحمة الله وبركاته

وبعد
بمناسبة تكريم الاستاذ والشاعر : محمد ظافر الشمراني أحببت أن أشارك بهذه القصيدة التي أتمنى أن تصل لشاعرنا وأن تقبلوها مني أعضاء بشائرنا الحالمة علني أعبر عن مشاعر الحب التي نحملها لهذا الرمز الكبير


القصيدة


ياتاج راس المحبّة وأنت أبو سامي
يا مبتدأ الطيب .. يا ساسـه ويا كلّه
يا شـاعر الفخر يا أحبّ الآسـامي
يا سـيد الشـعر بحـر القـاف تحتلّه
سـلام لك يكتبه شـعري بأقلامي
البيت .. صـدره قدوع وقافـه الدلّه
سلام لك من صحا ماهو من أحلامي
للكفو فالحـال يعنـا له .. ولا زلّه
سـلام لك بالوفـا زاخـر ومتنامي
حـروفه الأربعـه ما هي بمخـتلّه
سلام لك ذاخره في جملة أعوامي
أبنيـه بالعـام .. من هلّه إلى هلّه
سلام لك بالعدد فاق أكبر أرقامي
ويفوق فرحة فقير(ن) ملتقي غلّه
سلام لك .. ما حمل ذنبي وآثامي
يحمـل محـبّه .. وطاروق الغلا فلّه
سـلام لك بالشـذا ينسـاق قدامي
سوق الرياح لسحاب المزن مع قلّه
سلام لك والقصايد وضح وجهامي
والبيـت طالبك .. يا وجهه ويا دلّه
سلام لك .. من قصا قلب غدا دامي
طبّه ندا بدع بن ظافر .. مع الشـلّه
وتكفا وانا لك طلبتك طلبة الضامي
سؤال الايام قل بالحال وش حلّه
وتكفا ترى البندق اللي ما له الرامي
لو كان غالي ثمن متن الزمن ملّه
وتكفا ترى الهرجة اللي تروي أيامي
من خاطـرك هاتهـا والهـمّ قـم جلّه
وتكفا وعصر القطيعه واسمه العامي
جبّه ولا تذكره .. وان يذكرك وله
وتكفا بكل الرجا المتسلسل الحامي
أنصر أخاك الذي جور الزمن ملّه
وتكفا وأنا أنخاك من يامي ومن شامي
باسم القبـايل لطعم الشـعر قم حلّه
وتكفا وانا خابرك زيزوم وعصامي
بعدك عن الشعر خلاّ الشعر يتولّه
وتكفا ومن حقي التوجيب واكرامي
أنا أبن أخيك بحقوق الشرع والملّه
وتكفا وتكفا وتكفا وأنت أبو سامي
لا تهجر الشعر يا ساسه ويا كلّه

ولكم أعذب التحايا

مشكووور يالغالي والله ماقصر ت وفيت وكفيت

يستاهل الشاعر : محمد ظافر الشمراني الغالي

&*المحروم*&

اخي ابو عبدالرحمن بيض الله وجهك على هذه القصيده

الجميله من شخص جميل يحمل المحبه للجميع


ويجبرنا على احترامه لأخلاقه العاليه لك الحب والتقدير


وبوسامي يستاهل كل خير


اخوك بن حمدان

تسلم يابوعبدالرحمن ويستاهل بن ظافر

صح لسانك يابو عبدالرحمن وجمل الله حالك
قصيده لاتحتاج إلاّ إلى التصفيق الحار
فقد أبدعت وأتقنت.

تقبل مروري وإجابي
ابوحامد

صح لسان الشاعر

صح لسانك أخي سعد

ماقصرت بهذه القصيدة الرائعة

ويستاهل أبو سامي

تحياتي واحترامي

يستاهل بوسامي وصح لسانك

أشكركم جميعاً وأدعوا لكم بدوام السعادة والتوفيق