يـا صانـع المكيـاج الله يجـازيـك

إذا كنت لا تقرأ إلا ما يُعجبك فقط .. فإنك إذاً لن تتعلم أبداً

يـا صانـع المكيـاج الله يجـازيـك

خليتني مخـدوع فـي شكـل خلـي

الله يحـرق مصنعـك مـع مبانيـك

والمعرض الموجـود في بيكاديلي

ادعي عسى تعمى وتنشـل رجليـك

هـذا دعائـي دوم لا جيـت اصلـي

خليتني اركـض ورا البنت هاذيـك

واشوفها اجمل غـرام ٍ حصـل لـي

قلبي عشقها ياحبيبي توماتيك

وان شافها قلبـي يرحـب يهلـي

هي رحبت بـي وقالـت الله يحييـك

وقالت هلا باللي عشق زيـن شكلـي

وقالت انا اجمل بنت في اللي حواليك

شف حسني الاخاذ وروجي العسلّـي

طالعتها ثـم قلـت هالقلـب يبغيـك

ومن شاف حسنك خلى غيرك يولـي

ابغي اشوفـك دون مكيـاج يكسيـك

وابغـي اشوفـك بالجمـال المحلـي

قالت تبينـي افـرك الوجـه تفريـك

واشيل هالبـودر وروجـي وكحلـي

قلت أي نعم قومي عسى الروح تفديك

ابغـي جمالـك هالطبيعـي يهـلّـي

قالت دقايق راجعـه لـك واراويـك

ذاك الجمـال اللـي لعينـك يسـلّـي

ويوم رجعت لي شربكتني شرابيـك

وحسيت الارض تدور وانـا بمحلـي

الخد كنه ياحياتي سيراميـك

والوجه شارع مثـل شـارع حوللـي

الوجـه كنـه بيـت كلـه شبابيـك

من هالحفر في وجهها اللـي يعلّـي

كلـه سبـب مكياجـك الله يجازيـك

خليتني مخـدوع فـي شكـل خلـي

ونصيحتي لكل شاب من غير تشكيك

لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك

واللـي تحـط مكيـاج خلهـا تولـي

يازين الطبيعه والجمال الحقيقي
الف شكر على الطرح

اشكركـ على الموضوع الرائع

تم النقل والتعديل من قبلي

أشكرك أخوية مشبب

ع هذا الطرح

الله يعطيك العافية

فعلاً قد يكون المكياج خديعه
(فـَ لا أجمل من الطبيعه) ..
شكراً لك سيدي

فعلا خدعة وقصيدة جميلة جدا أخي مشبب
دائما رائع وذوق جميل تقبل مروري سيدي المبدع

ههههههـ

حللوه
يعطيك العاافيهـ
الجمآآآل جمال الروح
.؛.الوحــيده.؛.