ليـــــــــه .. !!!

ليـــــــــه .. !!!

هذا هو اللي تبيه .. ؟؟
اني ارحل من حياتك
واشعل عيوني بــ ليه..!!
بس خلاص ..!!



هذا هو اللي قدرته ..؟
وقدرك ربي عليه ..
بذمتك هذا كلام ..؟
اني ارجع من جديد
ارجع افرش كل تعب
عمري وانام ..



زين لحظه..!!
لااسالوني الناس وينك ..؟
وان درو ضحكة عيونك
عن عيوني سافرت
ردت لعينك ..


بذمتك قول ..
وش اقول ..؟
قول قول قول قول
الله يخرب بيت بيتك
توني يادوبي بديت
بعت عمري واشتريتك
خطوه خطوه واشتريت
توني باطراف البدايه
مدري وشلون
انتهيت ..؟


ياخي حس ..!!
والله عيب اللي تبيه ..
اني ارحل من حياتك ..
واشعل عيوني بــ ليه ..


لاجبينك شمس واحساسك مطر ..
لاعيونك شوق وشعورك دفا ..
جبت لك بـ ايدي ..
ابتسامات العمر ..
ليه تكسرها على اطراف الشفا ..؟؟
شوف ..!!
بعثرني احتياجي بالنظر..
شوف ..!!
وجهي امتلا منك بــ افا ..


ماتجي منك ..
ولكن يابشر ..
منت اول من طعني بالجفا
ابرا منك كل جروحي بالسهر
ولاافكر من ورى قلبك شفا
ول ياقلبك ..!!
مايجيب الا القهر ..
ول ياعمرك ..!!
ماعرف طعم الوفا ..


والا انا ..!!
مثل النهر ابقى نهر..
من تحوسه ترجع تشوفه صفا ..!!
فيني والله احساس لامنه ظهر..
يشعل ضلوعك اذا قلبك طفا ..


هذا هو اللي تبيه ..؟!!
وهذا هو اللي قدرته ..
وقدرك ربي عليه ..


بذمتك هذا كلام ..؟؟!!
اني ارجع من جديد..
ارجع افرش كل تعب ..
عمري وانام ..


وين اروح ..؟؟؟
شلون اجيب لقلبي المجروح .... روح
هذا هو اللي تبيه ..!!


للشاعر سالم السيار

أعجبتني فنثرتها بينكم

شكرا لك اخي تركي ال غريب
على روعة مانقلت ونثرت سلمت يمناك
وصح لسان الشاعر سالم السيار

يعطيك الف عافيه ع المرور العطر ..

منور ..

دمت بود ..

....

لاجبينك شمس واحساسك مطر ..
لاعيونك شوق وشعورك دفا ..
جبت لك بـ ايدي ..
ابتسامات العمر ..
ليه تكسرها على اطراف الشفا ..؟؟
شوف ..!!
بعثرني احتياجي بالنظر..
شوف ..!!
وجهي امتلا منك بــ افا ..





الله يعطيك العافيه
لاشك بأن شعر التفعيلة
له محبوه الكثر وأنا أحدهم

لك الود والورد

نقل جميل
واتمنى ان تنقلها الاداره للمنقولات الادبيه

هالشعر يعجبني حيل
سلمت على الانتقاء الجميل..

يعطيكم الف عافيه ع المرور العطر ..

منورين ..

دمتم بود ..

....

يعطيك العافية ع النقل الجميل

يعطيك الف عافيه ع المرور العطر ..

منور ..

دمت بود ..

....

كلمات رااااائعهـ ,, صح لسان الشاعر

مشكور ع مانقلتهـ لنا ,,,