على الشاطي

مدخل..

//
//

مابقى
في عتمة البحر الصموووت

غير مركب
تاااااه
من غير اشرعه

//

ماعاد باقي من مواريك حاجه
ياكود طيفٍ كل ماجيت ينخاك
يلزم حروف الشوق حين اختلاجه
نزف الخفوق اللي من سنين لاحاك
يشعل على ذكراك فتلة سراجه
ويشعب هجوسه وين ماحس طرياك
ارب يهدى القلب عقب انزعاجه
ويعود صافي الود لاعهدنا ذاك
يوم ان كيف الوصل رايق مزاجه
ماحسّب ليوم الموادع وفرقاك
ماكان يحسب للمرض مع علاجه
داله ضميره ماوصل حد الادراك
عايش معك باقصى حدود اندماجه
ألفه على ألفك وياءه على ياك
يطلق على شوفة حجاجك حجاجه
لاجيت له رحّب وسهّل وحيااك
وقلطك في صدره وقفّل زلاجه
وقهواك مدري ياوجودي تقهواك
واليوم مايلقى ضميره خراجه
من بسطة الاشواق في سوق ذكراك
تالي هروجه عقب طيفك سماجه

يضحك على نفسه بغيرك على اياك

هذا هجوسه قد بعث باحتجاجه
ياللي جفيت الجسر من عقب ممشاك

//

مخرج

//

على الشاطي
وذاك الموج
والذكرى
وطاري
الريح
مع
ضحكة
رعد
باقي وعد
تحت ظله بات بـ الامه امل

بس وده يستريييييييح

روعة

صح الله لسانك

لا تحرمنا جديدك

رائع ما سطرت اناملك
ننتظر بوح قلمك القادم
فوائد

سلمت ولا ندمت يا مبدع كلمات جميلة بجمال صاحبها ..

دمت بخير يا نقي ^_^

صح الله لسآآنك

ع جمآل القصيدهـ ,, كلمآآت رآئعة

لك آكآليل من ورد الجوري



أميرة الورد

لاهنتم على ردودكم ومشكورين

ودي

صصصصصح لسآنك تشلسآوي وسلمت أناملك قصيده رأئعه جدآ

تقبل مروري

تحيآتي ~

صح بدنك شاكر مرورك