قصيدة للشامخ - على المسحوب - يهل الشعر وين القصايد موازين

يهل الشعر وين القصايد موازين
تعبت في تدويرها وين اهلها

يامكثر اللي يبني الوزن بيتين
محدن فهم وش علته ما شملها

كم واحدن سموه شاعر دواوين
وكلمته لاقالها منه تلهى

يفرح بتقدير الرجال المجانين
يكذب ويصدق كذبته وانت شلها

لاجيت تقرا من قواله عناوين
كنك من اللي يشرب الما سملها

يدخل ويخرج في المحافل بتدشين
و معتلي منبر وهو ما وصلها

الناس تمدح كلمته واسوتى زين
ورايته بيضا وهو ما حملها

شاعر وله مغنى ويعطي قوانين
كلمته فخرية وليته خملها

يجيب له طاري بمدحة وتليين
وهو كبار الشعر ما جا سألها

خذها وانا ناوي بطرد اكثر القين
واللي يرتب كلمته ماشملها

وانا تراني في الشعر ماني الشين
لكن لي كلمة و جات بمحلها

ماني بشاعر مثل ما يملي العين
لكن قصيدي بالسنام وجملها

نكتب وزن بالقاف معنى وتعيين
خل الذي قد قالها ما فعلها

صقر(ن) تروالي يطوي شعابين
يا زين وحي اللي جناحه سدلها

شامخ قصيده والشعر له بساتين
محظوظ منهو جاب حبه شتلها

تثمر بساتين الادب يا مشرّين
لكن يا شراي غيرك قتلها


...)

للرفع ^^^^^

مشاركه رائعه من شاعر رائع

لاعدمنك ,ولاتحرمنا من جديدك

وتواصلك

شامخ قصيده والشعر له بساتين
محظوظ منهو جاب حبه شتلها

بيض الله وجهك

أهلا بك وصح الله لسانك

ننتظر المزيد

مرحبابك وابشر بسعدك