ربعك لمنك شفتهم صاروا احزاب

القصيدة الي منها البيت المشهور

ربعك لمنك شفتهم صاروا احزاب
وتشاورو بالعلم والراي دونك

القصيدة :
(لزابن محمد آل عمار الدوسري)

وإليكم القصيدة كاملة فاستمتعوا
بالتنقل بين زهورها العبقة:


أن زان لـك وقتـك تخـيـر بالأصـحـاب ..
وان شـــان وقـتــك كـلـهـم مايـبـونـك

أن جيتـهـم قـامــو يـحــدّون الأنـيــاب ..
وان رحــت عنـهـم بالقـفـا يشذبـونـك

لا أدبـــرت دنـيــاك والـحــظّ مـاطــاب ..
الـنـاس لا مــن طـحـت مايرحمـونـك

أهل السيوف اللـي يقصّـون الأرقـاب ..
أمّــــا كـفـاهــم واقــعــك يـظـلـمـونـك

لا تـامـن العـقـرب ولاتـامـن الـــداب ..
الـسـمّ واحــد لا رقـــا فـــي مـتـونـك

يـاجـاهـل الـدنـيـا ودورات الأســبــاب ..
أعرف ترى من خـان غيـرك يخونـك

لو كان لك ربـع(ن) مواليـن واحبـاب ..
لابــدّهــم عــقــب الــغــلا يـنـكـرونــك

وقـت(ن) يشيّـب بالمخاليـق مـاشـاب ..
أســأل رجــال(ن) جـرّبــو يخـبـرونـك

واحــذر تـخـاوي كــل هـافـي وكــذّاب ..
أهــل الـــردى بطبـوعـهـم يطبـعـونـك

أرفـع مقامـك عـن ردييـن الأنـسـاب ..
لـو شفتهـم فــي حضـرتـك يمدحـونـك

فارق ثراهم وارق فـي راس مرقـاب ..
أبعـد عـن الـلـي لونـهـم غـيـر لـونـك

خــلاّن مــال ومالـهـم ربــع واقــراب ..
لا قــــلّ مــالــك عــدّهــم يـكـرهـونــك

أعتاض فيهـم مـن طويليـن الأشنـاب ..
الـلـي الـــى مـــال الـدهــر ينفـعـونـك

لاصـكــتــك دنــيـــاك وافـــتـــرّ دولاب ..
بــانــت مـواقـفـهـم ولا يـرخـصـونــك

هــذا رفيـقـك مــن قريبـيـن واجـنــاب ..
ذخـرك وهـم فــي واجـبـك يذخـرونـك

عنـدك قريبيـن (ن) ولـو قلـت غـيّـاب ..
علـى صـدى صـوت النـدى ياصلونـك

ياللـي سمـعـت العـلـم لاتفـتـح الـبـاب ..
لاتنحشـر فـي شــي مـاهـوب شـونـك

ربعك إلى من شفتهم صـارو احـزاب ..
وتـشـاورو بـالــراي والـعـلـم دونـــك

لاتـبـدي بـرايـك عليـهـم ولــو صـــاب ..
لو صحت باعلى الصوت مايسمعونك

ومـن لاحسبلـك لاتسـوي لـه حـسـاب ..
لو كان يسوى وحدتن مـن عيونـك

هلا بخونا الغالى / الحمدان

ماأجمل تلك المشاعر التي نقلها لنا قلمك الجميل هنا

لقد كتبت وابدعت كم كانت كلمات الشاعر رائعه في معانيها

فكم استمتعت بموضوعك الجميل بين سحر حروفك التي

ليس لها مثيل تقبل شكرى وتقديرى لجنابك الكريم

قصيدة من الوزن الثقيل الرائع




شكرا لك

صباحكم خزامى

الحمدان
ينقل لنا ملحمة أدبية راقية-
حضور وفخامة-

صح نبض كاتبها-


لاهنت
تقديري
@جاهله@

شبح الشمال
اشكر لك تواجدك وتعقيبك
مع اجمل التحايا والتقدير

أخي الغالي أبو عبدالرحمن
اشكر لك تواجدك وتعقيبك
مع اجمل التحايا والتقدير

الاخت الفاضلة نوال الشمراني
اشكر لك تواجدك وتعقيبك
مع اجمل التحايا والتقدير

الشكر الثانى

الله يعطيك العافية عالطرح القيم والمفيد والمهم والشامل
وان شاء الله الكل يستفيد من هالمعلومات القيمة
وربي يديم عليكم الصحة والعافية
مجهود رائع تُشكر عليه
وبارك الله فيك

الغالي شبح الشمال
أسعدني تقيبك ومرور الجميل
لك مني كل التحايا والتقدير

اخي الحمدان
شكرا لك على هذا التواجد الفعال
والمشاركات النافعه والمفيده
بارك الله فيك وجزاك الله خير