الله يسقي زمان(ن) فات

الله يسقي زمان(ن) فات





الله يسقي زمان(ن) فات الأمر في بالي وذكرته
يحزن القلب ودموعي على الخد من حزني عليه


يوم ارى اليوم حاضرنا به الناس تلعب بدراهم
وحنا في مامضى ماكان نعرف ريال ولاميه

مامع الواحد الا بلاد ومعه بقر يعمل عليها
يذرا البلاد يحميها من الطير وتسده سنه

بعضهم عند بعض يحل يتعاونون على المشقه
بينهم يقسمون القرص مابينهم غل وحسد

نصرح ونروح نرعى بالجبل نشرب من ماء الوباده
مانقل بنتسمم لاشربنا ولا بنموت منه

مامعي الدراهم مامعك الدراهم غير معنا

التمور والحبوب اللي ذريناها في وقت الخريف
اعطني تمر وانا اعطيك من حبنا صاع(ن) بصاعي

شي عندي مهو عندك وشي(ن) معك ماهو معي
اقضلي حاجتي وانا لك اقضي الحوايج ونتعاون

هذا هو سوقنا وهذا تجارتنا في ذاك الزمان
انتبادل حوايجنا وتمشي الحياه بلا دراهم

نحمد الله ناس(ن) عاش منا وناس(ن) مات جوع
حبنا على الرحا يطحن من البير مانا ندليهو

نعبي الزير والجره وتقعدبنا لين الصباح
نحلب البقره والشاه نسقي ولدنا من لبنها

اكلنا فوق مله نطبخه من حطب نيرانها
نمشي بلا حذا بالكود نستر جسدنا بالملابس

عندنا العيد عيد الفطر الأول وعيد يوم الضحى
مابه الاحتفال ولابه افنون وا لا به غطارف

غير ذكر الله المعبود ندعي يبارك عيدنا
منتجمع نهار العيد فالوادي انعيد بعضنا

واذا رحنا تسمرنا مع بعض من فوق السقوف

الاخو يعطي أخته رجل من الذبيحه لاذبحها
هذا عيديته لاخته وهذا حقوق(ن) ثابته

ينبتون الفطور وينبتون الغدى ويبقصونه
من فطر ماتغدى وبعض الأوقات يتعشى نبق

المهر كان نص ريال وريال وحيانا عطيه
ماوراها جزيه غير حب(ن) وتقديرن لها

يتزوج بها ويشلها عالجمل ويروح بيته
تصرح الصبح هي وياه يعمل وهيه تستقي

وذا جابو ولد سموه على اسم جده قيل ونعم
وذاجابو بنيه بسم جدتها يازين الاسم

اماذلحين ياشين الاسامي وقاموا غيروها
اسماء الاجداد ذاكانت تشرف اذا نادو بها

غيرو الاسامي وغير الوقت ثم قالوا تغير

والزمن ماتغير غير أفعالهم ذا غيروه

صح جتنا الحضاره والتقدم وسرنا بالف نعمه
غير ما لازم إنا نغير اطبوعنا واسلومنا

الله كم فرق بين الحاضر اليوم والماضي الاصيلا
الله يعطينا خير الوقت هذا ويكفينا بلاه

كلمات: شاعرة العرضيات
فاطمه القرني