أمير بلا أماره

أمير بلا أمارة

شمسنا ضاقت وغابت وأنحرف نجم عن مداره
مـن ذنوب الخلـق شـاعت لا حــسيب ولا رقيب

القـهر أذروه فـــــيه وأثـمر بـظــيقه ومــــراره
وفــرع جــذوره بجــوفي لـه ضجيج وله نحيب

تــاجــري تــاجـر بعــــمري راهن بدنيا التجاره
أدري يا تـاجـر مـرابي خايب عمرك ماتصـــيب

العوض بالله في عمري وش بقى بعد الخساره
مــابــقى الا أردد مـــالــي في الطيب نـــــصيب

شورتي ربي عضيدي في صلاة الأستخــــــاره
اشــكي حــزني لك يــاربي ياســـميع ويا مجيب

موقفي لا ضعف مــــني هزيمتي ماهي شطاره
خوفي من ربي نهاني خفــت من موقف رهيـب

والله طحطوحً غضنفر لا نـــويت شنيت غــاره
ياما هديت المعابد وكم كنــــايس مع صـــليـب

ماردي شيطان سفلي لا نــويت يقــــدح شراره
من يطيق جني مسلسل اسود له مخلب مريـــب

ياخليفه العون صــبرك الحــكيم تاجــه وقــــاره
لا نتقم دايــم لنــفسه ســار مــؤذي لا طـــــبيب

طبع روحاني مغلـــف مــثل اصــــداف ومحاره
صلب قشرة برا مظــهرداخــله لـــولو عـــجيب

كل من جــــالك شكـــالك تندفــع تاخــذ بـــثاره
في الاذى ياكثر عونــك قــادر وعــــونك قريب

أن سار روحـــاني بطـــبعك يا أمـــير بلا أماره
سار في خلق الله مؤذي لا صـديق ولا حبــيب

الصبر في الأجر نالك ناقـيه نفـــــسك طــهاره
لاتنــام الليل ظالــم نام وانت مـظلوماً عطـــيب

كل عبد في خلــق ربي طـــوق بعــنقه وزاره
لاتـزر وزرة بأخــــرى كـــل وزره له نصــيب

شيخنا و عـونً خليفــه وهذي مــني لك بشاره
هيبــتك جـــت مع صلاتك قامه هامه يا مهيب

خــــل حـــسراتك تـــــردد الأذيـــــه دوم داره
ادع ربك فــي صــلاتك عــيشتك دايـــم تطيب

وكل من جالك بأذيه يكتوى مـن حـــر نـــاره
قد ماطـــول نهــــاره الــــوعد شــمسه تغيب

الشاعر/ عبيد بن محمد بن عايض الشمراني

وعليكم السلام ورحمة الله وبركاته
صح الله لسان الشاعر عبيد واشكر على نقلها لنا

إبداع من الشاعر عبيد بن محمد

سلمت اخوي عز ومهابه على النقل

صح لسان الشاعر عبيد بن محمد الشمراني

وبيض الله وجهكـ خي عز ومهابة على طرح القصيدة الرائعة

لاهنت