( الأنانيـــه ) للشاعر الكبير : محمد ظافر أبو سامي الشمراني )

السلام عليكم ورحمة الله وبركاته
( الأنانيـــه ) للشاعر الكبير : محمد ظافر أبو سامي الشمراني )

يا هوى البال جاني ما كفاني
ولا أعتقد إنّي أتحمّل زياده

بعدما ضاعت أحلام وأماني
وأنعكس ما توهّمته سعاده

وأنهدم عمر كامل في ثواني
ولا بقي للأمل فيه إستفاده

كنت آمل يصافيني زماني
أو أقل شي يخفف من عناده

بس ياللأسف صدّ وجفاني
وراح قبل إن يبيّن لي مراده

وأسترق من شفاي أحلى الأغاني
ونظّم أفراحه بجيــده قلاده

وبدّد إحساسي وحطّم كياني
واخذ كلّ التحمّل والجــــلاده

ولا ترك لي سوى بعض المعاني
وبعض الأحرف والأوراق المعاده

اللي عجْزت تعبّر عن حناني
وما أعاني من الشوق وجهاده

واللي عجْزت تصوّر ما دهاني
من زماني وظلمه وإضطهاده

وبعد ما صار لو إنّك تراني
وما أنا فيه من عيش النّكاده

لأقتنعت وعرفت إنك أناني
والأنانيه صارت فيك عــاده