عين الغرام

الملامح كلها اطلال في عين الغرام
تسرج الذكرى وبالذات لا هب النسيم
والمفارق عمر كنه من اعصور الظلام
والا برزخ حفرة اللي عذابه في الجحيم
هذا عمر العاشق اللي ورد ورد الهيام
من عدود الغبن والقهر غساق وحميم
عاش عمره يزرع احلام واللقيا مرام
لين نار الحظ الاقشر غدت زرعه صريم
مايتم الزين والشين في عمره تمام
ظاهره للخلق سالم وباطنه السقيم
كيف يحيى عقب هذا حياته في سلام
وارتبط فكره وقلبه مع الماض القديم
ياجميله لاتقولين للعاشق سلام
انتي انفاسك تحيه وبسمتك النعيم
يوم شفتك كني اعرفك من سن الفطام
ساكنه في وسط جوفي فطرتي بالصميم
قد خذاك الوقت مني عقب صرت بهيام
مثل لقمه تنوخذ غصب من فم اليتيم
ونزف جرح الحب شعرن تناقله الانام
الله كم عاشق يقوله ليا عود مهيم
وليلي اسهربه ونار الحشى تفني الظلام
واسكر بذكراك والحزن فالسهره نديم
وجيش صبري كل ما شاف للفرقى جهام
ينهزم قبل المعارك ويخنع للخصيم
اه ياحلمن رسمته على وجه الغمام
يضحك الغيمه سنا عتمة الليل الظليم
اثر صقر الهجر مخلبه منزوع الرحام
حالتي عقبه مثل حال يعقوب الكظيم
ويش اسوي لو نصيبي على الدنيا عدام
استقام الضلع والحظ عيا يستقيم
يوسف الشمراني