ومن يعاف النصر / والله مايحوّل للزعيم .. لو رجع يلعب حواري / مايفكر بالهلال .. !!

غيــــرة حريـــــم



عذرها .. لازعـّلتني بالعتب / غيرة حــريم
وعذري ان اللي كتبته بالغزل / كله خـ يـــال



نوب ارقع بالخيال .. ونوب ارقع بالقـــديم
ونوب اقول اني مقلّ / ولاكتبت بهالمجال



واني اللي ماكتبت الشعر / والله العظيم
لجل ابفتن به بنات الناس / يابنت الحلال



ماشقيت بخد نوف / ولاشقيت بعين ريم
من فضخ قلبي جمالك / ماملا عيني جمال



من عرفتك ياربيع العمر / ماشي في السليم
ماسكٍ سكة غلاتك / لايمين ، ولاشمال



من ملك مثلك ملاك / وعاش ماهو مستــقيم
اعتقد ماراح يمشي / باقي سنينه عدال



ومن يعاف النصر / والله مايحوّل للزعيم
لو رجع يلعب حواري / مايفكر بالهلال



بس لاجابت هجوس الشعر / فكره بالصميم
كيف اطوفها وانا اللي / عادتي صيد الجزال



مو صحيح ان كل قاف / يوافق حروف القصيم
لازم يوافق حروف العجز / بآخرها ......!



ومو صحيح ان القصايد / كلبوها سيم سيم
كل مقالٍ له مقام / وكل مقامٍ له مقال



ما أهيم بكل وادي / مثل مالعالم تهيم
شابرٍ وادي الدهاء ../.. وشاربٍ ميّه زلال



شاعرك يابنت شاعر / من فضل ربي حكيم
رابط عصابة جوابه / قبل يِفْلَقْ بالسؤال



ماعلى العقل الفهيم / لياتعامل مع فهيم
البلا عقلٍ يتوه من ، العوابه والخبال



لو صحيح ان كل مرأه / خلّفت رجلٍ عظيم
كان ماشفنا الفروق / الواضحه بين الرجال



لكن انتي عقلك اكبر / من خرابيط الحريم
كملك ربي بعقلك ../ .. فوق مابك من خصال



داهية صدر الشمالي / مع تفاصيلك غشيم
استحليتي خفوقه .. ياحلاه .. من احتلال



ذا جديد الشعر كانه / مزعلك شعرٍ قديم
وانتي اللي ملهمتها / واقعٍ ٍ ماهو خيال


:الشــآعر

خــلف مشـــعــآن !!




نــ

تبريـــــــ د

قصيده رائعه من الشاعر الكبير خلف
ولكن صراحه تمنيت انه لم يجعل في القصيده شيء من التعصب الرياضي

انما القصيده قمه في الروعه

نصراوي بقوة
يعطيك العافية على هذا الطرح الجميل.

إبددددآع ..!

صح لسآن الشآعر ..!

يعطيك العوإفي تبريد ع نقل هذه القصيده الرآئعه ..!

يسلمو تبريـــــ د ع القصيده الخطيـــــــــــره ..

يديك ألف عافيه ...

شكرا لمروركم الكريـــم
وذآئـقتكم الفريـــدة





تبريــــ د