فوق هام السحب ( الشعر الشعبي) على متن القوافي

انت وجهك من لقاه اصلًا عشان يخلّا ؟
يالقبال اللي به ظروف الدهر منّانه

ماينافسني على صادق محبتك .. إلا
العقيم اللي تعلّق في عيال أخوانه

بسيطه انك حلمي ولا تحققت
الموت من عض الندم بالنواجد

طالبك لا عاد اتغيّر مع الوقت
خايف يقللك الزمن وانت واااجد

ألمَس حنانك في يدينك و استريـح
من وين ما يوجعني يدينك تمسَحه

هان التّعب لأني إذا فكرت اطيـح
اتـذكّر إنّك فـي حياتي و انزحَـه ..

ملامح ٍ هامت عيوني فيها
والله ما تِمسي وهي زعلانه

من حقّها تزعل علي وأرضيها
حتى لو إنها كانت الغلطانه

والله انك ياعديل الـروح غاليي
واثمن من السر بأعماق الضمـاير

فـرحه عيّــوني ليا شفتــك قبالـي
فرحه الكسبان مـن بعد الخـساير

‏بين ميراد الهقاوي ومصدار الظنون
‏صار في نفسي قناعه وفي سمعي ثقل

‏تكتفي رواد الابداع عن مايكتبون
‏لا اصبح الاعلام تطبيل والساحه نقل

‏كل يوم يزودون العدد ويلمعون
‏لين صار الشعر مفقود والمبدع مقل

‏من يتيه شرد الافكار في ريف الشجون
‏مستحيل انقول موهبته بحاجة صقل

‏العرب والله ماعاد ندري وش يبون
‏والصدور من المشاريه صارت معتقل

‏تغلط العقال ونقول لـ الطيب يمون
‏وتغلط الجهال وانقول تكبر وتعقل

‏مايهم انهم يذمون ولا يمدحون
‏الاهم ، ارتاح عن ، مايلي ، على الاقل

‏

قالوا تجامل قلت لابد أجامل
ادرى واداري وادفع الشي بالشي

واللي مايعرف كيف فن التعامل
يعيش ماله لاصديقٍ ولا خي

لأني أعلم ماحد مخلوق كامل
بعض المرض ماينفعه كثرة الكي

الوقت هذا فيه تقرير شامل
يودع الميت ويستقبل الحي



عبدالله الجبرتي

مايفرح الرجال طيحة بناخيه
ولايزعل الطيب نجاح ابن عمه

واللي يحارب بالمواقف عوانيه
انا اشهد ان الحسد يجري بدمه

اثبت وجودك في صفوف المصلين
واقرأ حديث الترمذي وابن ماجه

واطلب من الله يصلح الحال ويعين
فالثلث الآخر مدّ يدّك وناجه

الآ يالله أنا طالبك كل ما صليت
تغفر الذنوب و كل الاحزان تفرجها

وانا من سلاح الصبر لو طال مامليت
عسى النفس بامرالله تحصل مخارجها