اقتباس:
المشاركة الأصلية كتبت بواسطة علي سعد ظافر
تسريحتك والرّوج والكحل والميش
ما تنفعك مالم تصفّي السّريره
والهم لامن جاك لو سرّك العيش
ما ينجلي همك بكاسين بيره
ياللي خذاك اسمك وحلّق بك الريش
من مولدك وانتي سمو الاميره
اسمك جريمه في عيون الدّراويش
ومكانتك بين الخلايق كبيره
لكنك اسرفتي في الّلهو والطّيش
يمكن ثرية مال لكن فقيره
وش قيمة الانسان ينحب قدّيش؟
اذا دفن قلبه وموّت ضميره
اذا انكرهتي يوم لا تسألي ليش
عادي تبيعك كل عين(ن) بصيره
ماتشترين العاشق الحر لو بيش
ولو تزرعينه ورد شح بعبيره
واليوم قلبي عنك مقفول بالشيش
استودعك ياعل في الأمر خيره
علي سعد ظافر الشمراني
|
الفكرة والحضور والتسلسل في الإيراد لتلك الفكرة شيء مذهل
أجده دائما بحضورك أخي علي سعد ظافر
وش قيمة الانسان ينحب قدّيش؟
اذا دفن قلبه وموّت ضميره
بيض الله وجهك وصح لسانك