فيض القصيد ... بحر الأشواق

بحر الأشواق

لليل أحبك
لليل أحبك ما بقى في السما نور
والى ضواني الليل للصبح أحبك
واللحظة اللي كلَّها عِندْ وغرور
أشوف قبري بين عينك وقلبك
في صدري سراجٍ حزينٍ ومكسور
رغم المطر والريح شلته في دربك
والله ما به غير لوعاتي قصور
وخوفي عليك الله ربي وربك


شِعر الأمير - بدر بن عبدالمحسن


بحر الأشواق
عزالله إني رحت في بحر الأشواق
اللي يطوّح بي بالأمواج تطويح
تجذبني أمواج ألوَلَهْ صوب الاعماق
قامت تمادى بي مع الغيم والريح
صوتٍ همس وين أنت؟ والوجد بي فاق
فَوْقَه خفيف النّوم لو صاح به صيح
أنا هنا تحرقني أشواقي إحراق
وأنتي هناك تعاندين التباريح


شِعر - د. عبدالعزيز الحسن


سيد القلب
يا سيد القلب لو ماكنت موعدني
ما قلت لك علق الضحكه على أهدابي
وعن دمعة القلب تكفى لا تنشدني
بأسبابك الحب والحرمان بأسبابي
أهديت لك وأنت بفرقاك تهددني
ماتدري إني رميت القلب لأحبابي


شِعر - نادر العماني


الحنين
ليت الليالي.. ما تجيني أبطاريك
ودّي أبنسيـانك ولـو ما قــويتــه
وليت الحنين اللي بقلبي يراعيك
يموت وأنسى اللي لنفسي جنيته


شِعر - أغاريد السعودية