خــابـت الآمـــال🌹

خــابـت الآمـــال

خـابـت الآمـــال عـنـدي والظـنـون

واحـتـرقـت بـنـار حـسـرة وانـتظار

يـوم جـتـني تسحب الخطـوة بـهـون

مـقـبـله يـا سعـود لي باتـعـس نـهـار

امـتـلـكـني يــوم نـاظـرتـه ســكــون

والهلع والخـوف وسـط القلب صـار

طالعـتـني والـشعـر غـطى العـيـون

نظـرته فـيهـا مـع الحــزن اعـتــذار

الـمــدامــع مــثــل هـمـّال المـزون

ما حصـل للـزيـن ما كان اخـتـيـار

قــلـت قــولي يــا حـيـاتي يا حنون

وجـاوبـيـني يـا حـيـاتي بـاخـتصار

قــالـت الايــام مـا تــوفـي تـخــون

كل اماني دنـيـتـي صـارت دمــار

الـسـفـر والـبـعـد لا بـــده يـكــون

غصب عـنـّا و الزمن لا شك دار

وابـعــدت والقـلـب تملاه الطعون

من رحــيـل ٍ صابني فـيـه انكسار

بـعـدهـا عـايش حـياتي وش تكون

دنـيـتـي مـن بعدها صارت مرار

كل مـا فـي دنـيـتـي بـعـده يـهـون

مـالـهـا فـي نـاظـري أي اعـتـبـار

بــعــدهـا يـنـتـابـنـي مـثل الجنون

حـالـتـي مـن بـعـد خـلي بـانحـدار
صالح سليمان البلوي