محمد بن سعود قاد العزيزين🇸🇦

محمد بن سعود قاد العزيزين

للشاعر/عبدالكريم ابراهيم ابن خزيـّم

كيف البشر عانت من الظلم والبين !

غير العوز والخوف بأوقات ولّت

والحال الأقشر وأغلب الناس شاقين

والخلق ذاك الوقت ضاقت وملّت

حتى حضر منهو يأم المصلين

له راية من عند ربي تعلّت

محمد ابن سعود قاد العزيزين

والظلمه اللي في بلدنا تجلّت

حامي حمانا من فلول المعادين

قوم. ٍ على أحوال الخلايق تفلّت

والشر ولاّ وإنحكم منهج الدين

وطابت نفوس. ٍ من عناء الظلم كلّت

شال الإمام الحمل وعانا الأمرين

ونفس الوفي الشهم مايوم ملّت

بأمـر الولي الفـرد رب الثقلين

والشر عنه الناس جدا ً تخلّت

حل الأمن والخير عم المسلمين

والشـر ولاّ وآهل الشر ولّت

والحمد للي منزل الفيل والتين

رب السماء بأمره فياض تملّت

في ظل آل سعود كعم المعادين

اللي على الحكم السعودي تولّت

سلمان لاشانت على شعبه يبين

والناس في حكم السعود اسفهلت

وولي عهده راجح ن بالموازين

له منهج فيه البلاد استقلت