( وداعه الله يـا الديـار الحبيبة )

بسم الله الرحمن الرحيم


بسمك بديت وكل علم ابتـديـبـه
يا مرسي الأفلاك مجري السحايب

يا سامع للى دعاك و مجيبه
يالله تفك المعضله و النشايب

متولع في حب مكه و طيبه
وديرة ربوع اهل الحسب والنسايب

ياديرتي فرقاك عندي مصيبه
والصبرمطلب عند كل المصايب


وداعه الله يا الديار الحبيبه
وازكى التحايا للرجال الحبايب


ايامنا راحت بسرعه رهيبه
كالبرق مرت او هبوب الهبايب

احب من حبك بصدق واحيبه
واحب ناس فيك تحت النصايب

دنيا صعيبه والمراجل صعيبه
معذور لو عنيت رجل و ركايب

كم لي وانا ادور صحيب اقتديبه
وماكل من بالفعل والقول صايب

ودنياك يالصاحب تراهي عجيبه
تبدي لك الضحكه وتخفي العجايب

ودنيا غريبه كيف ماهي غريبه
سرعان مايصبح بها الطفل شايب

وصاحب الافراح يمسى نحيبه
وتبعدك عن صاحبك والقرايب

وتجعل الغالي يطول مغيبه
ومن معك بالأمس ذا اليوم غايب

وفقد القرايب دون شك وريبه
مصيبة اخرى تزيد النحايب

صلوعلى من فاح ذكره وطيبه
محمد المبعوث خالى المعايب

نبينا ياحظ من يقتديبه
باجمل زهور الكون واجمل اطايب


ارجو ان تكون حازت على رضاكم
ولكم مني اجمل تحيه

صحت لسانك
لك مني أجمل تحية .

صح لسان ولاهنت

ابيات جميله وننتظر الجديد

اخوي رافع الهامه

الله يعطيك الف عافيه

صح لسانك اخوي على هالقصيده الجميله..

لاعدمناك..

الأخوة الاعزاء= عايض الشمراني= القلم المبدع= والأخت بنت رجال=


حياكم الله وبياكم اسعدني مروركم وزادني شرف ما اتحفتموني به من مدح

شكرا لمروركم مرة اخرى

صح لسان ولاهنت

عشت يااااااااااااااااااااارفع الهاااااااااااااااااااااااااامة

صح لسانك على هالابيات الجميلة

تحياتي

الوداع مر

نص يرفر عذوبة ..

صح لسانك عزيزي

وفي أمان الله

صح لسانك أبيات في غاية الروعه والجمـــــــال,,,,