ياطير ماتنشد ياطير

ياطير ماتنشد ياطير
بالجو مالاح لك خلي
ركب على اللي تشاد الطير
وتنحّر الجو متعلي
ياطير ماشفت خط السير
وين انتوا صاحبي قل لي
ليته حجز لي معه وأطير
ويصير معي مثل ظلي
من يوم قفى ماشفت الخير
أنام وأصحي على غلّي
واحنّ قلبي حنين الضير
بأرض الخلا بوهن خلّي
على حبيب بحبه غير
بالحب والود صافٍ لي
توه بسن الشباب صغير
عن الثلاثين مازلِ
ياناس يامن علي يشير
باللي خذا القلب ومولي
أنا أقدر انساه واستخير
وأتوب عن حبه أحسن لي
أنساه وأرمي غلاه ب بير
وعن حبه أصوم وأصلي
واخاف للمسأله تخدير
اصحي ليا ارقبت بالتلِ
أصل الغلا مايبي تبرير
لاحلّ بالقلب ماانحلِ
ياربِ اللي رزقت الطير
ترزقني الصبر عن خلي
واصبر كان الصبر لي به خير
واللي مع الصبر يحصل لي

زبن مقبل العنزي

ريحانة الطيب
تسلمين على القصيدة

شاعر ومشعور فالقصيدة مميزة

بارك الله في جهودك

وأسال الله لك التوفيق دائما

شكرا شذى الياسمين على اطلالتك الحلوه
اسعدني حضورك

ولك ارق تحياتي

ريحانة الطيب
طرح رائع ومفعم بالجمال والرقي..
يعطيك العافيه على هذا الطرح..
وسلمت اناملك المتألقه لروعة طرحها..
تقديري لك..

شكرا حبيبتي ريهام

ماانحرم من طلتكم عليا
ودي لك وعبير وردي