ياقو باسي 🌹🍀

ياقو باسي



صحيح اني طيب القلب وافي
وابشر بي ان بغيت فزعه ووقفات
افديك انا بالروح وبنون شوفي
معك انا في ضيق والا مسرات
بس لاتغرك طيبتي في وصوفي
وتسيء لي بردود فعل ومقالات
تراني بنت معيض ذاك السنافي
ياقو باسي لاتحركت بسكات
لك احتزم بالعزم والشهر سيوفي
في قلبك احدث لك جروحٍ وطعنات
فيك اشعل البارود حتى المطافي
لو تسحب ماء من نهر دجله والفرات
تعجز تطفي نار قلبك وكفي
يشوفها وتزيد حرقه وسعرات
تراني من مثلك انا ما اخافي
ما خاف انا الا إله السماوات
وبعطيك نبذه عن خصايص وصوفي
وعن باقي اعلومي تحر البيانات
تراني دوم جنبيتي في خلافي
انا اختلف عن لابسات العبايات
عنهم تميزني خصايص وصوفي
بيني انا ويا البنات اختلافات
اشبهم بس يومي احني كفوفي
ولا انا صالح وعبدالله بالذات
اخواني اللي بهم اعزز وقوفي
اهل الكرم والجود اهل المقامات
اللي الى منهم لفوهم ضيوفي
يرحبو ويقدمون الملذات
كلامهم يامرحبا بضيوفي
عداد وبلن هلا واسقى البلدات
وفعلهم للناس بين يشافي
لهم كبار القوم تضرب تحيات
مكانهم قدام قبل الصفوفي
لهم تقام الصروح وترز رايات
شعر:فاطمه القرني