القلم والبوك

سر ياشعاع الصبح وانسب لمنصـور000تحـيـة(ن) تـاصـل وعـنــدي صـداهــا

تحية(ن)تـحـمـل تبـاشـيـر وســــرور000محد(ن)يحـس بهـا ولااحد(ن)يـراهـا

تسري مع القمـرى وتاصلـه بسحـور000تـلـقـى عـيـونـه نـومـهـا ماغـشـاهـا

قل من ابوضـاري لفيتـك علـى افـور000مستعجل(ن) رجلي تسابق خطاها

لاهـو بمـن ضر(ن)ولاهـو بمـن جــور000دامـــك بـخـيــر عـلـتــة مـاشـكـاهـا

لانـام مـن حولـي يساهـرنـي الـنـور000حتى تشع الشمس ساطع ضياهـا

من شافني قال ان بي حالة اغـرور000ماهـتـم بالهـرجـه ولا الــي حكـاهـا

من يـوم عيـد الفطـر واليـوم عاشـور000ماكلمـت مـن فــي فــؤادي هـواهـا

طلبتهـا فـي طلبة(ن)قـال مشـكـور000مـاضــن مـــن تـهــواك ذا منـتـهـاهـا

اتشك بي بعد الوفاء اسنين وشهور000صورتـك فـي قلبـي ولااحد(ن)يراهـا

فـقـلـت انـــا يـابـنــت والله مــعــذور000ولاقـصــدت الـيــوم خــاتــم لـقـاهــا

اخـاف يكشـف سدنـا وانـت مجـبـور000وان كـان ذا يزعجـك روحــي فـداهـا

زعـلــك مـانـرضـاه يـاسـيــد الــحــور000تنضـام روحـي ميـر تكسـب رضـاهـا

والـيـوم ملـيـت الحقـائـق والاعـــذور000لاســـال عـنـهـا خـافـقـي مالـقـاهـا

واخاف انا ان كلمـت يقلـون محضـور000ويشك به مـن لاجـل حبـي شناهـا

عايش على الاوهام واقـول مسـرور000واللهم سار(ن) في عروقي سراها

قـصـدي اداوي عـلـتـي دون دكـتــور000واكتـم جروح(ن)بـيـد ربــي شفـاهـا

وانـا علـى هالـحـال ماقـيـل مـاجـور000ماحد(ن)درى عن علتي وش دواهـا

مـع القلـم والبـوك ماشكـي ولابــور000حـروفـي انضمـهـا ولااحد(ن)قـراهـا

واخـر كلامـي مابـي ابهرجـي اجـور000يـاكــم بقـلـبـي علة(ن)مـاشـكـاهـا

وتـحـيـة(ن)تــظــم وردات وزهـــــــور000لـك مـن تبـوك ايفـوح طيـب شذاهـا