مرثية الشاعر / علي بن مسفر ال حسن الحلافي في فقيد الحلافات : فايز بن سرحاء واسرته

هذه القصيدة للشاعر / علي بن مسفر ال حسن الحلافي مرثية في فقيد الحلافات الشيخ / فايز بن سعد بن سرحاء وأسرته رحمهم الله بواسع رحمته ...

يالله يا معبود يا فرد يا صمد وانت الونيس

وبعضمتك متخصص في دقها وجلالها

تجبر قلوبً فارقت من فارقت يوم الخميس

الاسرة اللي كبر فرقاها مع ترحالها

عسايهم في جنة الفردوس قدام المنافس والنفيس

وفي جنان الخلد مثواهم مع منزالهم

مرحوم يا اللي لو نقيسه في اللوازم وش نقيس

بهمته ياصل مرامات العلا وينالها

بو ظافر اللي لو نقيسه في اللوازم وش نقيس

يرسي على الصعبه كما يرسي ثقيل جبالها

اللي لربعه والعواني والضيوف احسن جليس

ونحلق المجلس تسلي هرجته لو قالها

يا ظافر اصبر واصبر وقبلك شربنا الصِبر والمر العبيس

لكن مشكانا على ربي وهو حلالها

جميع ما في الكون تحت امره وهو الريس ولا غيره يريس

متكفل بارزاقها واعمالها واجالها

يا ربعنا وعيالنا نرجو العوض غمو ابليس

والصبر مفتاح الفرج وانتو لها ورجالها

وقريباً ستسمعونها بـصوت المنشد / حامد محمد (ابو حميد) الحلافي في البومه القادم
وتقبلو خالص تحياتي