![]() |
#1 | ||
أبو عبدالرحمن ( شاعر )
![]() |
![]()
لا تسألوني= لا تسألوني ليش اقول القوافي = هذا السؤال اللي مااحبه، ولا ابيه يكمن ورى نظم القوافي خوافي = وراع الهوى ما كل موضوع يبديه والحب موت احمر، وسم زعافي = ماله علاج ، ولا طبيب يداويه يؤتي ثماره كل ما كان خافي = واذا انكشف للناس ضاعت معانيه واصبح حديث أهل النفوس الضعافي = ما احد يخلي صورته دون تشويه وتذبل زهوره قبل وقت القطافي = ولا يجني الا الهم، والغم راعيه يصير خاين عهد لو كان وافي = والناس بالبهتان، والزور ترميه يجردونه من ثياب العفافي = ويقال فيه و فيه شيء ما هو فيه ويصدر بحقه حكم دون اعترافي = وتستأنف الجلسات من دون تنبيه ومهما تظلم ما يشوف العوافي = قاضيه يطعن في نزاهة محاميه قضيته مصدر نزاع، و خلافي = ماله حقوق، و لا حكومات تحميه مثل الغريب اللي بوسط الفيافي = يسير في دربه على غير توجيه او مثل بحار تعدى المرافئ = والموج الأزرق يرفعه، ثم يرخيه هذي حقيقه ما عليها اختلافي = حادث مؤكد،، غير ممكن تلافيه وين المحب اللي حموله خفافي = يقضي حياته في سعاده وترفيه؟ و يا هل ترى المهزوم له شوط إضافي= ؟ أكيد : لا ، ما فيه عاقل يقول : ايه وارجع واكرر في نهاية مطافي = للي سألني : يوم اقول الشعر ليه؟ لا تسألوني ليش اقول القوافي = هذا السؤال اللي ما احبه ولا ابيه سالم منصور السواط= ::::::::::::= سمعت لي شعراً= سمعت لي شعراً مكلـــف وضافي= استيسرتني وادهشتنـــــي قوافيه من شاعراً صاغه بشكل احترافي= يعجب جماهيره ويطرب محبيـــــه اتقول مرشـــــــد مسنداً للنصافي= آليا قصــــــــــد في ليلةً من لياليه قــــــــــــاله بجواً شاعرياً وصافي=جواً علـــــــى بدع الطواريق يغريه اختار من بنــــــك البيوت اللطافي= ابيات شعراً من سمعهـــــا تسليه وصّف لنــا الموضوع وصفاً خرافي=في ذمتــــي مافيه وصفاً يضاهيه يغرف من امحيط القصيد اغترافي=يومن كلاً ما قرب من شواطيه لاجيت اجاري مفرداته بقــــــــافي= اشعر برهبة كلما جيت اجاريه وانكان ماجاء الرد كافي وشــــافي=ما ودك الشاعر على الناس يلقيه وأقول ياراعي البيوت الظـــــرافي= لعل ما تفقد وليفك وتبكيه والحب اذا جاوز حديث الاشافي=اصبح كلاماً معظم الناس تحكيه واللي له المحبوب كــــــاره وجافي= يصبر على جفوة وليفه وغاليه وان شاف ضوء الحب خافت وطافي=يشعل شموعه في نهاره واماسيه قدام خفّاقه يجيه ارتـــــجــــــافي=من هجر محبوباً فواده مهاويه والصب لو يمشي على الشوك حافي=من شان مضنونه تحمّل مواطيه والود من جانب فقط غير كــــــافي=ونهايته توصل لدوامة التيه مثل الكتاب اللي بليا غـــــــــــلافي=تقرا بمتنه ما يعارض حواشيه واللي بدا بالسعي قبل الطــــوافي=يصبر على تانيب شيخه ومفتيه وآخر كلامي يالشجيع السنافي= اسلم ودمت ولك من الورد بوكيه جندب المالكي= ::::::::::::= جو القوافي= جو القوافي صار صافي ودافي=تعالت أنغام الفرح في مغانيه اقبل يزغرد في ثياب الزفافي=وبدون ما اشعر قلت: ياهيه، ياهيه! رجعت له مشتاق بعد انصرافي=استدرك الموضوع واضيف تنويه للشاعر اللي لا انطلق ما يخافي=يطير، واسراب القوافي تباريه وان قال : صفي لي، تصف اصطفافي=وتقول دون شروط : لبيه، لبيه وليا حضر في المهرجان الثقافي=قامت جماهير المحافل تحييه شعره يذكرني بعصر الرصافي=يوم الأدب يرفل بكامل تعافيه جزل المعاني يكتشفها اكتشافي=ويلعب عليها باستثاره، وتمويه كنه مهاجم في بطولة (فيافي)=يقودها نجم (البرازيل) (بيليه) في السوق سهمه مثل سهم المصافي=يوم المؤشر كان واصل لعاليه والحب فيروس القلوب الرهافي =والفطن يا جندب هو اللي يخبيه وترى انكشافه ماهو اي انكشافي=والصب لو يخفيه ما عاد يمديه تصبح علومه بين مثبت ونافي=و سهوم خلق الله تصيبه وتخطيه في كل مجموعه مراسل صحافي=اما يجيب العلم ولا يوديه ونهر المحبه يعتريه الجفافي=ترحل عصافيره وتجدب نواحيه وتبدا كوابيس السنين العجافي=ترقص على جرح المولع و تدميه يسهر وغيره تالي الليل غافي=ويحس بالغربه وهو بين أهاليه ماله على صكات بقعا مكافي=كلاً مثل ما قيل : مافيه كافيه الرابح اللي مهتني ومتعافي=تجنب أسباب الغرام و دواعيه وخصص لنفسه وقت للاعتكافي=قبل الفجر ساجد لربه يناجيه تم الكلام، و في ختامه تضافي=من كاتبه عذب التحيه لقاريه سالم منصور السواط= :::::::::::::= يعــــــمير= يعمير كيـف البــن ماهو بكافي=بن اليمن ماهوب نسكاف كافيه قم قهوني وان جاء من الـــقوم لافي= دير الدلال وكل مطنوخ قهويه وزيد القبس بين الثـــلاث الاثافي= والنجر دقه لــين الاحرار توحيه منزلك لهل الطيب ريف ومضافي=والـناس دايم تــــتجه له وتـلفيه لا تذبح الا من سمــان الخرافي= والــغالي افلـح من يبعه ويشريه واكثر من الترحيب وادن الصحافي=واكرم ضيـوف آبوك واكرم عوانيه وآليا ارتشفت امن الدلال ارتشافي= ودي علــــيك اردد القاف وامليه رداً علــى ابياتاً عذاب ونضافي= من شاعراً شعره عن الناس مخفيه مخفــي قصــيداً راقياً ما يعافي= اتقول بسـتاناً تدنت نواميه فيه السفرجــل والعنب والجوافي = والــخوخ والرمان داير حواليه والتوت مزروعاً بكـل الحوافي = يبغى الذي يقطف ثماره ويجنيه لا خذت حوله جولةً والتــــفافي = ابهرني المنظر واطلت النظر فيه شعراً تفوه به زعــيم القــــوافي= الشاعر اللي مالك الملك معطيه مايبدع الا المحكمات الحصافي = وامتاز بسـلوبه وقـوة تحديه وفي الهوى ماهوب مسرف اسرافي= والسر والكتـــــــمان عادة معاليه حافظ وداده عن حكي كل هافي= ومحـــال يتفوه بـــسره ويفشيه من شان لا تذهب جـــهوده جزافي= ثم يشمت الـعاذل ويفرح معاديه ذكرني ابوقتاً مضالي وطافي =وقتاً تذوقنا مــراره وحـاليه ايام كنت آقف واطيـــل الوقافي= راس العســـيراللي تعاوى ضواريه اشكي غرام اموردات الــشفافي=المـــكثرات امن العتب والمــشاريه احداهن اتلـفني هواها تــلافي = مزيونةً سلم الــهوى ما تدانيه بنت المعاثير الغلاظ الجــلافي= اللي لعـــطران الشـــوارب مكاريه لو هو حلال النهب والاختطافي =خطفـــتها واللــيل خاويت عاويه قد في محبتها انجرفت انجرافي=حـــتى دنا موتي وبانــت مواريه مرات قـــدامي ومرة خلافي =وبكل ســـكة تعــترضني دواهيه وياما انذرف دمــعي عليها انذرافي= وابــكي ســواة اغليماً فاقد ابيه عبر السنين الثايرات الصلافي =اللي تـــهد الـجدّر واحــيان تبنيه تعصف عواصفها وتسفي السوافي= وفي البـــــحر قامت تزمجر عواتيه ومن المواليف افتــــقدت المـــرافي= واللي هوته الـــنفس بين تجافيه واللي يعــــاني من جراح التجافي= بيموت والجــــرح الذي فيه يشكيه ماينوجد طبه بكل المــــشافي = (وبشمس) لو يبـــحث عنـه ما يلاقيه عينه ترا وتشوف مـــالا يشافي= من فورة اعصـــابه وكثرة طواريه ماينطفــي جمـره بماي المـــــطافي= وحتى المحيط الاطلسلي مايطفيه والمهتوي تصبح عضــــامه نحافي=ويعاف كل اللـــي يريده ويبغيه يلقى بدربه لفــةً وانــــعطافي=وتزيد روحــاته وتـكثر مساريه عبر الدروب الضيقات القصــافي = اللي بها الرجـــال يلقى بلاويه لوهو يكب الـــغي والاقترافي =نال الــذي يسعد فواده ويرضيه هو ماعليه الا يقــــول الكفافي =والله هو اللي وقتها سوف يهديه الوقت يمضي والليـــالي مقافي=والعــــمر يربح من تدارك تواليه وازكى تحيــات القــلوب الولافي=تاصل لسالم في محله واراضيه جندب المالكي=
|
||
![]() |
![]() |
![]() |
#2 | ||
مشرفة قسم الرياضة والرياضيين
![]() |
![]() ![]() قصائد رائعة جزاك الله خير وأحسن إليك فيما قدمت دمت برضى الله وإحسانه وفضله ![]()
|
||
![]() |
![]() |
![]() |
#3 | ||
مراقب عام وأداري للمنتديات
![]() |
![]() جميل ماخطه لنا حبرك الراقي طرح مميز وصح لسان الشاعر بوركت جهودك اخي ابو عبد الرحمن ولك اجمل تحياتي وارقاها
|
||
![]() |
![]() |
![]() |
#4 |
موقوف
![]() |
![]() شكرا على الطرح المميز سررت لتواجدي هنا في موضوعك لا عدمنا حضورك معنا |
![]() |
![]() |
![]() |
#6 | ||
مراقبة عامه للمنتديات
![]() |
![]() ![]()
|
||
![]() |
![]() |
![]() |
#7 | |
شاعر
![]() |
![]() اقتباس:
هذا السؤال اللي مااحبه ولا ابيه كلمات رايعه جدا صح السان الشاعر وسلمت يداك |
|
![]() |
![]() |
![]() |
#8 | ||
مراقب عام وأداري للمنتديات
![]() |
![]() تابع
من ديوان شاعرنا جندب المالكي ابو عبد الرحمن اسمحو لي برفع هذا الموضوع وتنزيل اضافات الشعر من ديوانكم وشكرا شاعرنا القدير نــــــــــــــــــــــــحــــــــــــــــــــــــ ـمـــــــــــــــــــــــــد الله نـحــمــد الله يـــــوم ربـــــي حــفـــظ كـــــل الـحـجـيــج&&&&&ادوأ الــحــجّــة وهــــــم فــــــي رحّــــــاب الـمـمـلـكــة تـحــت حـكــم الـحـاكـم الـلــي عـــدل عـــوج الـعـويـج&&&&&حـاكــمــاً يـحــكــم وهـــــو مـتــكــي فـــــي مـصـمـكــه الله اكــرمــهــم تــعــالــى فــــــي الـــيــــوم الـبــهــيــج&&&&&بــعـــد مـــــا كـــــلاً عــلـــى الــســنّــة ادّى مـنـســكــه والــشـــكـــر والــحـــمـــد لله ويــــفــــوح الاريـــــــــج&&&&&بالـثــنــاء لـلـحــاكــم الـــلــــي شـــعــــوره حـــرّكــــه الـزعــيــم الــلـــي حــمّـــى كـــــل بــلـــدان الـخـلــيــج&&&&&الــــــذي قــــــاد الـكــتــايــب وخـــــــاض الـمــعــركــة احــتــمــى حــــــد الــجــزيــرة بـتــرنــيــدو ومـــيــــج&&&&&الـــــــذي تــنــســـف كـــيــــان الـــعــــدو وتــدكــدكـــه والــــذي فــــي كــــل مــوســم يــســـوون الـضـجـيــج&&&&&ردهــــــــم عــــنــــا وحــــــــوّل بــــهــــم لـلـمـهـلــكــة طـغــمــةً مـــــا عـنــدهــا غــيـــر فــتــنــة وتــأجــيــج&&&&&لاتــــــــــزال ابــغــيـــهـــا والـــغـــلــــط مــاتــتـــركـــه وضـعـهــا مـشـبــوه وتــــدور فــــي امـــــراً مــريـــج&&&&&تـسـتـسـيـغ الـــكـــذب وتـــحـــب شـــغـــل الـفـبــركــة كـلــمــا اقــبـــل عـــــام ســـــوت دعــايـــة وتـهــريــج&&&&&مــــا تــكــب الـخــبــث تــلـــك الـنــفــوس الـمـشـركــة والـسـعــوديــة نـسـيــجــاً يـــعـــد اعـــظـــم نــســيـــج&&&&&شـــرعـــةً غــــــرّاء ونــعــمــة وخـــيــــراً وبـــركــــة والـمــلــك عــنـــده مـــــن الــحـــزم والـحـكـمـةمـزيـج&&&&&والـــرجـــال الـــلـــي مـــعـــه مـلــهــمــة ومـحــنــكــة واحــمــد الله يــــوم ربــــي حــفـــظ كـــــل الـحـجـيــج&&&&&ادوأ الــحــجّـــة ولا زعـــــــزع أمــــــــن الـمـمــلــكــة جــــــــــــــــنــــــــــــــــدب الــــــــمــــــــالــــــــكـــــــــي
|
||
![]() |
![]() |
![]() |
#9 | ||
مراقب عام وأداري للمنتديات
![]() |
![]() خــــــــــــــــواطــــــــــــــــر مــــــــــســـــــــــافـــــــــــر لا تــنــبـــهـــر بـــالــــغــــرب يـــــامــــــن تـــــمــــــرّه&&&&&ولا يـــــغــــــرك بـــــــــــه جـــــمــــــال الــطــبــيــعـــة لـــقـــيـــت فـــــيـــــه ارزاق واعـــــمـــــال حــــــــــرّة&&&&&وقــــانــــون وضــــعــــي والــمـــذاهـــب وســـيـــعـــة ولا لــلــقـــيـــم فــــــــــي مـجــتــمــعــهــم مـــــبــــــرّة&&&&&والـــســـوق الــــــى مـــاطـــاوع امـــــــرك تـطــيــعــه عــــالــــم عــــلــــى فــــعــــل الــرذيـــلـــة مــــصــــرّة&&&&&مــــــا يــرغــبـــون اهـــــــل الــنــفـــوس الـرفــيــعــة تـــشـــوفـــهـــم كــــــــــــلا بـــكـــلـــبـــه يــــــجـــــــرّه&&&&&مــلـــبـــســـه حـــلّــــيــــة يـــــامــــــال الــقــطــيــعـــة واثـــيــــابــــهــــم يالله دخـــــيـــــلـــــك تـــــــشــــــــرّه&&&&&الــــحـــــال مــــــــــزري والــمــنـــاظـــر شــنــيـــعـــة لـــــــو حــــصّــــل الــمــســلــم عــلـــومـــاً تــــســــرّه&&&&&يــــاســــرع مــــــــا يــلـــقـــى وراهــــــــا فــجــيــعــة ويــــــــذوق بــــعــــد الــحـــلـــوة الــفـــيـــن مــــــــرّة&&&&&خـــصــــوص اذاكـــانــــه فـــــــي آخـــــــر ربــيـــعـــه انـــــــا اشـــهــــد ان الــعــيـــش مــعـــهـــم مــــعــــرّة&&&&&مــــثــــل الــــــــذي تــقـــفـــل عــلـــيـــه الــقــريــعـــة قــلــتـــه وانــــــــا مــابـــغـــي لــــواحــــد مــــضــــرة&&&&&ودي يــــكــــون الــــوضــــع وفــــــــق الــشــريــعـــة وكــــــــلاً عــــلـــــى كـــيـــفـــه يــــحـــــدد مــــقـــــرّه&&&&&أمــــــــــا انـــــحـــــدر والا ظـــــهـــــر بـالــطــلــيــعــة وانـــــــا كـــرهــــت الـــغــــرب خــــيــــره وشــــــــرّه&&&&&لــــــو ان لــــــي بــــــه قـــصـــر بــالــدّيــن ابــيــعـــه احــــــــــمــــــــــد ابــــــــــــــــــــو طــــــــــلايـــــــــــب
|
||
![]() |
![]() |
![]() |
#10 | ||
مراقب عام وأداري للمنتديات
![]() |
![]() تـــــــــــــــــــرحـــــــــــــــــــيــــــــ ـــــــــــبـــــــــــــــــــة حـــيــــوا الــشــاعـــر الـــلــــي يــلــفـــت الانــتـــبـــاه&&&&&يـــاهـــلا مــرحــبــا بــــــه عــــــد مـــبــــدا ســهــيـــل شـــــــــرف الــمــنــتـــدى والــمــنــتـــدى مـــنـــتـــداه&&&&&مـــــالــــــه الا تــراحـــيـــبـــاً وبـــــنــــــاً وهـــــيــــــل صــــاحــــب الـــمـــفـــردات الــــشـــــرّد الـمــنــتــقــاة&&&&&نــــادراتــــاً تــــعــــد امــــــــن الــعـــيـــار الــثــقــيـــل لــوعــرضــنـــا تـمــاثــيــلــه لـــشـــيــــخ الـــنـــحــــاة&&&&&قـــــال هـــــذا هــــــو الــشــعــر الــبــديــع الـجـمــيــل مــــــا يـــجـــي غـــيـــر بــالــجــزلات لافــــــظ فــــــاه&&&&&والـمـعــانــي الــــــذي تـــبـــري جـــــــراح الـعــلــيــل كــــــــل مــتـــذوقـــاً لــلــشــعــر يــســـمـــع غــــنــــاه&&&&&يــــــروي الــذايــقـــة مـــــــن صــافــيـــاً سـلـسـبــيــل والـــــــف يـامــرحــبــا بـــــــك يـاعــمــيــد الـــدهــــاة&&&&&عـــــد مــــــا غــــــرد الــقــمــري وجــــــر الــهــديــل جــــــــــــــــنــــــــــــــــدب الــــــــمــــــــالــــــــكـــــــــي
|
||
![]() |
![]() |
![]() |
|
|
![]() |
||||
الموضوع | كاتب الموضوع | المنتدى | الردود | آخر مشاركة |
غصن القوافي 🍂 | ريحانة شمران | بـوح الـقـصيد للشعراء الأعضاء | 11 | 07-07-2021 02:59 PM |
القوافي والقيفان | صالح أبو غريب | ديوان الشاعر / صالح أبو غريب | 5 | 06-19-2021 01:18 PM |
سجن القوافي / جديدي لكم | بوح القصيد | بـوح الـقـصيد للشعراء الأعضاء | 6 | 02-13-2021 02:50 PM |
القوافي نوّخت | صالح أبو غريب | ديوان الشاعر / صالح أبو غريب | 5 | 11-08-2016 06:38 AM |
صهيل القوافي | ابوايناس ع ع | بـوح الـقـصيد للشعراء الأعضاء | 8 | 09-27-2010 09:52 PM |