08-04-2022, 05:45 AM
|
#1 |
|
مساعد للمدير العام ومستشار للمنتدى
 |
موقف وقصيده
موقف هذا الأسبوع مع شاعر
النظم والمحاورة الذي يعد من أكبر الشعراء وان لم ينل حظه من الاعلام انه الشاعر علي بن ابراهيم القري بينه وبين الشاعر ابن شريم عدة محاورات وكذلك مع الشاعر علي الماجد أبو ماجد الشاعر علي القري ولد في عنيزة عام 1338ه وتوفي في جدة في 26/7/1415ه أي ان بقية حياته قضاها في جدة رحمة الله فيقول في احدى الليالي وبعد صلاة المغرب وفد علينا ضيوف من القصيم من أعز الأصدقاء يقول رحبت بهم وادخلتهم وانا فرح مسرور وبعد تناول القهوة والشاي قلت لهم سوف نعمل لكم الليلة عشاء من البيت وغدا إن شاء الله سوف نجمع الأصحاب والجيران ونقوم بالواجب لكنهم اعتذروا بقولهم سوف نغادر جدة صباحاً ان شاء الله ولا يحتاج ناس وذبائح ثم انهم أبدوا رغبتهم بان نخرج هذه الليلة لنشم الهواء ونتعشى في أحد المطاعم يقول ففرحت وقلت هانت هذه أسهل وأبسط من الذبيحة, ثم خرجنا إلى مطعم قريب من المنزل دخلنا المطعم وجلسنا ونحن نضحك ونطلب من كل ما لذ وطاب وأقول هات هات ولما انتهينا وجاءت الفاتورة الحساب واذا هي تعادل قيمة ذبيحة أو أكثر من الريالات فرجعنا إلى المنزل فقلت الأبيات التالية يا ناس ملينا الحكم والنصايح خلوا انجرب ها الطرايف والانكات لي قصة فيها وفيها لمايح مما جرى هاك السنة للعقيلات يوم الرجاجيل لبعضهم منايح بشرع الوفاء كل عليه التزامات أنا من اللي ينطحون التوايح ونا ولد راع الطروق المخلات عرفت لي من كاسبين المدايح ربع لهم حق كبر ضلع ابانات قالوا بلا دوشات ناس وذبايح غديك تودينا حدا هاالاوتيلات قلت إيه قوه امشوا لو تيل والسمايح أُويس هذا هو على بعد خطوات ومن يوم عطت بالخشوم الروايح ومن قبل ما نجلس بدوا بالطلابات لحم استيك وبارتيك وشرايح وشيء من اللي ياكلون الخواجات وانا من الفرحة بهم تقل دايح أنادي الجرسون وأقول رح هات الين صارت ما يدتنا سفايح من اللحم والفاكهة والفكاهات بعدين جا راعي الحساب يتمايح بفاتورة حطه على الجنب بسكات من يوم ناظرته ولا به فضايح تبي اتخلى راس مالي دمومات قامت تقل عندي تدور اللوايح وانسد بلعومي وهرجي امثاثات قلت اسنحوا ياناس هذي جوايح هذا حساب أو حنشله أو رذاذات وأنتم بذا يا الله على القوم طايح أو عمكم عجل على الطابق السات وتجمعت هاك الوجيه الكلايح وزعلوا ودربونا على السوق دربات يوم انفغى راسي بكثر الصوايح عرفت وش كون لهم ها العمارات |
|
|
|
|
العرض الشجري