نداء لكل شمراني

باسم شمران بانادي عسى لندا نلقى صهيل
بافتل الشور ياربعي وانا للقدا باشوركم
اسم شمران بن مذحج تلاشت تواريخه قبايل
العصاة العناصي من بن الروح لروحا لكم
بعد ماشفت تاريخ العناصي يسجل باسم عايل
ثارة النخوه ابدمي وياكم من امثالي وكم
وينكم يارجال(ن) للحميه يشبون الفتايل
وينكم قبل ماتغرب شموس الحقائق وينكم
وينكم يارجال الفكر والعلم يوم الحق مايل
مابحثتوا وثبتوا تواريخنا باقلامكم
وين روس الرجال اوين شيخاننا بين القبايل
ليش ما تضهرون الحق وتوثقونه وينكم
وين شعارنا لادندن الزير جابوها مثايل
ملحمه سابع اجدادي وتاريخ ربعي بينكم
وينكم ياهل اقلام الصحافه رسايلكم قلايل
وين من يكتبون الشعر نسيوا فعول اجدودكم
كان ياغافل اصح اوشوف من حولك افعال القبايل
نسبوا كل فخر(ن) لاسمهم وانتم افصم(ن) وبكم
التواريخ فيها زوروا مالقوا فيها قبايل
نشروها وصارت بالمكاتب تورخ ضدكم
اثبتوها لهم وانتم تخيلون ماهو قول قايل
الكتب وثقت مالقيوا الي يقول اش عذركم
وين تاريخنا نبغاه واورثه للجيل قايل
هذا تاريخ شمران العناصي فعول اجدودكم
مانبي لاسمعنا من كذوب(ن) سوالف قول قايل
نرتعد بس مانقدم بشيئ(ن) ينومس ربعكم
وثقوا صفحة التاريخ خلوه رمز(ن) للقبايل
سطروا فعل شمران العناصي على اسم اجدودكم
كان فوقوا من الغفله عطونا عزايمكم بدايل
القصايد في الجوال والشات وش بتفيدكم
حقوا الحق مانبغى غلو(ن)ولا بالهرج طايل
قاظوا الي نسب تاريخكم باسم ربعه دونكم
الحقائق صريحه واسم شمران لتاريخ شايل
مايخفيه هرجة حاقد(ن) والقوافل ذودكم
غير لاتنكرون ابحق شمران من للعلم سايل
كلنا غافلين اولابقى نخوة(ن) في روسكم
في وضوح النهار أرسوا قواعد لها بالحق قايل
اكتبوها على صفحات الامجاد واعلوا شانكم
لاتقولون بكره راحت اعوامكم وأنتم قوايل
انسرق من دمي اجدادكم مايسقي جيلكم
وينكم يافزع شمران هبوا لنا فيكم رسايل
لوتسطر بعطر المسك ماتوفي ابتاريخكم
وين قرن ابن ساهر دار الامجاد هل فكر أو جمايل
وارثين الزعامه والمدايح تقل افعالكم
ودار عامر يذيقون المعادين سم اودم سايل
يشربون المنايا لجل شمران نفنا دونكم
وين ربع ابن مضحي ربع شعلان فيه الشك زايل
مقدم القوم ابومنصور ماخص نفسه دونكم
وينكم يابني حارث حزام الجنوب اهل الاصايل
يارجال المواقف لابدت حربها تلجا بكم
وان حدرنا تهامه هامة المجد هم روس القبايل
لابة(ن) من عزا فيهم غدا الهم! لبس اجنوبكم
ابن حوفان رمز(ن) لشكاله وكساب الجمايل
افتخر فيه وربوعه تنومس فعول ابطالكم
والعوامر لهم بالمجد تاريخ ماني له بطايل
يعجز الشعر في توصيف وقفاتكم وفعولكم
وارجع اعيد واكرر لمن له بشمران الاصايل
ضاع تاريخكم والطامع اسدل ستاره دونكم
سطروا باسم شمران اكتبوا وثقوا والشك زايل
ابغي اقول لاولادي ترى ذي فعول اجدودكم
والتحيه لكم ياتاج راسي وياروس القبايل
لوتبادت لابوضاري فانا واحد(ن) من ربعكم
الحميه وحبي للجماله وغبني بالزلايل
مادفعني لنشر القاف وانا من اصغر جيلكم



ابو ضاري الشمراني