فوق هام السحب ( الشعر الشعبي) على متن القوافي

طموح الرجال يحطمه قل رآس المآل
اذا قل مال الرجل ضاعت طموحاته

لو الرآس قاسي. والعزايم تهد جبال
تحده ظروف الوقت وتضيع هقوآته

‏قد قال لي تكفى وقلت ارقا سنود
[وقد قلت له تكفى ودنق واستحى ]

بعض اللحى تنقص ولايمكن تزود
[ياحيف ياهقواتي ببعض اللحى ]

لاتزعجون الناس بافعال الاموات
كفـوا.. وقفـوا.. كاسبين الجميلـه

عد انت وش سويت من فعل بالذات
اما كسبت النـعم والا .. بديلـه

يا وقت ماني طامعٍ في عطاياك
لادامت الدنيا و لانيب دايم

الله يجمّل سيرتي و آتعداك
للجنه اللي من كبار الغنايم

ياذيب لاتبدي على الناس خافيك
من دون سدك جوّد القفل والباب

كم من رفيقٍ تحسب إنه مصافيك
يغلب عليه الوقت والوقت غلاب

والناس لو تضحك لك الله يعافيك
إعلم ترى الضحكة لها عدة اسباب

كم منك متعجب وكم معجبٍ فيك
وشـتان مابين التعجب والإعجاب

لاتترك اللي خوته تجلب الطيب
أحرص على قربه لو الفقر غطاه

واحذرمن اللي خوته تجلب العيب
لوكثر ماله و اعتلى سور مبناه

الصنف الأول يرفعك بالمواجيب
والصنف الآخر للمذمات ممشاه

هذي تجارب من علا راسه الشيب
واصبح خبير في صواديف دنياه

‏احب الرفيق اللي ليا شافني زليت
يوضّح خطاي وكلمة الحق ترضيني

صريحٍ بوجهي يحترمني ليا صديت
ليا ضاقت الدنيا علي ما يخليني

هذا والله اللي لا طرت سيرته فزّيت
وانا له رفيقٍ وقفته تبهج العيني

مشخص الفهري

‏القلّ ماهو للمناعير عذروب
العيب باللي واجبه مايسدّه

كم واحد ٍ طيّب مقدّر ومحسوب
لو كان ماعنده رصيد ٍ يعدّه

من طيب فعله له مقام ٍ ومحبوب
عند العرب تلقاه كلٍ يودّه

سمح النبا ماغاب عن كل ماجوب
متعود ٍ للطيب من ورث جدّه

‏أنا كذا .. من يوم ربي خلقني
يقنعني الظاهر ولا أبحث خفا الناس

واللي عن وجيهٍ تشابه فرقني
أموت .. ما أدخل فالنوايا والإحساس

‏يا الله سترك غدت لـ أسرار مكشوفه
يارب لا ينكشف ستري ونقصــاني

طوعت نفسي وعاد النفس ملقوفه
الله ولا كلمة ٍ بتزعل أخواني

الكره نسمعه لكن مانبي شوفه
مقابل الكره يبغي له عمر ثاني

مايعرف الطيب رجلٍ صر مصروفه
والصيت بين العرب ماهو بـ مجاني !