لم تكتب باسم مستعار ، دعوة للحوار

على الاقل انتو رجال اجل وش تقولون فينا احنا الحريم..بتكون مصيبه..
كارثه..فلانه بنت فلان تكتب في المنتدى..عيب بتفشل اهلها واخوانها يمكن ما عاد احد يسلم عليها..
اتمنى فعلا ان الفكر المتخلف يتغير..احزن على ديرتنا كل ماشفت فيها مثل هذي الاشياء..
(هذا اذا ماكان احد الاعضاء الحين ينتقد وجودي الحين)
مشكور ابو بلال.

"توضيح بسيط"
انا ارى ان بعض الاخوان قد يرجع سبب تسميتهم باسماء مستعارة
الى ان هناك تحفظ على بعض المشاركات والمواضيع التي لا يرغب
البعض في كشف القناع عن كتابها
والله أعلم...

والله انا اسمي جاي على نفس فكرتك
يعني معروف معروف ( ولو سويت شي ولا اخطيت في هذا المنتدى اتوقع ابو حامد ما يوقف الا
في راس امقزعه عند بن هتاش )هههههههههه

والله انا بكون معك صادق ومع الجميع ( انا جيت هنا عشان اتعرف على ابناء قبيلتي
والناس الي ما اعرفهم ) وهذا شي شخصي راجع لـ الشخص نفسه... الي يبغى يحط اسمه ...
تحياتي ...

انا ارى انه رائي خيتوا اميرة صادقه بما قالته يعني وشو بيكون شكلها قدام القبيله يوم تكتب فلانه بنت فلان
وعندنا عيب ان البنت تسوولف مع رجال والعقول الصغيره هذي لكن اسم مستعار مافيه مشكله دام انا محترمه نفسي واهلي عارفيني وعارفين شنو انا اسوي ما اظنه انه فيه عيب انا اسمي جاي على
دلع اسمي الاول سومه والاسم الثاني مهدومة <<يعني الكل مستغرب اشلون هادمينها بس هو مهدومه <<يعني مهضومه بالسوري وهذا نكي بكل منتدى او اي مكان اروح له يعني اسم خاص فيني
شكرا لك خيوا على ابو بلال عالموضوع الاكثر من رائع

بسم الله الرحمن الرحيم

السلام عليكم ورحمة الله وبركاته

موضوع مميز بتميز كاتبه وانا ارى بالنسبه للمنتديات والمواقع القبليه ان يكتب كل شخص بأسمه ويعرف بأسمه الحقيقي او لقبه لكي يتعارف ابناء القبيله على بعض .. اما في المنتديات الاخرى فلا باس من كتابة اسم مستعار..


ولكم مني جزيل الشكر

..

انا مع الاسم الحقيقي او اسم الشهره (القب) في منتدى القبيله

وكل شخص عنده اسم مستعار في منتدى اخرى

المؤضوع جميل جدآ :وراى بنسبه الرجال لايوجد مشكله لوقال اسمه الحقيقي (اولقبه)
سواء في المنتدي اوغيره
وبنسبه للمره : فقديكون فيه مشكله فهم يرون بانه عيب ذكر اسمها واسم عائلتها وهذا شي انا ايده

إخواني اطلعت على تعقيباتكم سوف أعود لكم قريبا إن شاء الله

لا زال المؤضوع مطروحا خصوصا بعد أن تطور هذاالمنتدى وصار ينافس المنتديات المماثلة

انا ارى انه مادمنا قبيله واحدة حلو انو الواحد يصرح باسمة هذا اذا كانو رجال فقط او نساء فقط لكن هوه مختلط احس صعبه شوي اصرح باسمي لانو مثلا عندي راي او رد لموضوع ماراح اقدر لان مثلا راح يكون الكاتب قريبي ولد العم او الخال يعني راح يكون حزازيات نوعا ما وبيكثر الكلام والقال والقيل هذا وجهة نظري