04-03-2023, 03:27 PM
|
#1 |
|
شاعر
 |
ياحلوها الثنتين لاجات
 خل الأمل موجود قدام عينك لولا الأمل ماكان للناس فرحه لا تكترث من ناس هم مانعينعك لاما نويت الخير ماعطوك فسحه واستغنم الفرصه لباقي سنينك قدام ماياجيك سكر وقرحه وابعد عن اللي في القسا مايعينك يستعذرك لاشاف في الوضع قدحه لاتامن الغدار واحذر يهينك يده على اللحيه وفي اليد سبحه لاتصحب التاجر ولوهو يدينك فلايفكردوم في غير ربحه صل الفروض وبرهم والدينك يدعون لك في كل روحه وسرحه وابعد عن الانجاس طهر يدينك ولا تصاحب نذل مافيه فلحه ولا تثق من هم معك مادحينك قالوا اذا قفيت مافيه مدحه ياكثرهم من هم معك تابعينك يقللون بقيمتك لوبمزحه حلو الكلام يرفعك ما يشينك والاكل ماينساغ من غير ملحه اهل الوفى باشوارهم ميدينك لاشافوا ان فيك الوفا راق فصحه ماهو بعيب حين يعرق جبينك ماخاب من هو نال من رزق كدحه رزق حلال لو قليل يزينك ابرك من أرباب الربا خاب رشحه صلاح ذريتك نعمه ودينك ياحلوها الثنتين لاجات سمحه واجعل برب الكون قوة يقينك مايسلم المخلوق من غير كحه لابد من تنكيد تلقى يمينك راعي المزارع يقنع ببيع جحه |
|
|
|
|
العرض الشجري