ابوس رأسك يا زمن (مساعد الشمراني )

هذه القصيده للشاعر القدير مساعد الشمراني:

شعار دنياي الصبر و شعارها الدنيا كفاح
لا قلت يوم و تستوي ..مرت سنين وما استون

والله اني مقتنع باللي يصيب من الرماح
اصغر رماحك صابني يوم اكبر رماحك طعن

وفوق هذا ما سلمت.. انا اسمح ولا القى سماح
كل يمن بجيته ..حتى الدمع لا جاء يمن

ابوس راسك يا زمن..ماعاد فيني للجراح
خلاص يكفيني أسى .. ابوس راسك يا زمن

يا مكثر ذنوبك معي .. ما كل ذنب لك يباح
لامن زعلت وش تستفيد.. وش مكسبك من ذا الحزن

استسلمي يا عزتي لا صارت ايامي سلاح
كان نفسي اسعدك بس الليالي طولن

حاولت انا اشعل شمعتي بس المصيبه في الرياح
لاهي باللي نورن.. ولاهي باللي انطفن

اخترت في الدنيا ثلاث..الستر وانصاف وصلاح
و كرهت في الدنيا ثلاث .. لا و لايمكن و لن

وحبيت في الدنيا ثلاث الفن وامي و الصباح
و حلفت لا ما اخون الثلاث انتي و جاري و الوطن


الشاعر : مساعد الشمراني

علي بن سعد (الساهري)



.

مشكوررررررر يالساهري على النقل
وصح الله لسااااااااان مسااااااعد الشمراني

هلابك يالعامري

بيض الله وجهك عالمرور تشرفت بذلك

دائماً مبدع الشاعر مساعد الشمراني

شكراً عل النقل

وتقبل مروري

ابو راشد

شاكر مرورك ونورت الصفحه

مبدع دائما الشاعر مساعد الشمراني

يعطيكـ العافيهـ ياعلي الساهري ولاهنت

احترامي وتقديري

مشكور يابوسعد

والشاعر مساعد شاعر عذب

تقبل احترامي