من روائع ابو سامي وعواض

••••• عواض وأبوسامي /
**** أبوسامي :
1/ ياعواض ماعلمتني بالخبر لاهنت ..
تحسَب إن هل بيشه مايدرون بالاخبار .
2/ يقولون أبوصالح تزوج بالنترنِت .
والآخر تزوج قبل عامين بالمسيار .
3/ ولا أعرف شروط الثيب ولا شروط البنت ..
والا كان رحت وخذت ثنتين مهما صار .

**** عواض :
1/ أنا لا نويت الحرب زهّبت ثم اعلنت ..
وشعشع خبرها في جنوب وشمال الدار .
2/ لك الله لو عيّنت ما أبغاه ماهونت..
لو إن البلد كله يشبّونه الثوار .
3/ والمسيار سلعة تاجر الخوف ماهو بانت ..
لايدرون شمران إنك تخاف ياالمغوار

**** ابوسامي :
1/ سمعنا العزاوي بس لليوم مابينت ..
والأيام في حرب النوايا تدق الطار .
2/ ولاخوفي ألاّ تنتهي الحرب مانيشنت ..
وتُرمى حصون الدار وتهدّم الاسوار
3/ ولو كنت تبغي الأجر صليت وتسنّنت ..
وأخذت إلك بعد الحج عمرة مع العُمار .
4/ لكن كل ماربّطت عفش السفر هيجنت ..
ألا ياحمام الدار، عذّرت في المشوار

**** عواض :
1/ الا ياحمام الدار ماتذكر إني كنت ..
أغني معك والجرح ينزف ودمعي حار.
2/ تراني هذاك اللي على عهدنا ماخنت..
لو الحذف يلحقني ، معك وافي ن صبار .
3/ وبن ظافر يلايم حطبها وانا ما أذّنت ..
طواريه بارقها يلوح ، ووراه غبار .
4/ لعل وعسى ياالوادي اللي معك حزّنت ..
يجيك الربيع ويزهر الشيح والنوار .

**** ابوسامي :
1/ يلين البلس والنظر، من قسوتك مالنت..
ولا أدري وش اللي ماكشفته من الأسرار .
2/ أشوفك يابوصالح على الذكريات أدمنت ..
وسكرت ديوانية البوح بالأعذار .
3/ مع أني طرقت الباب مرات واستأذنت ..
وحاولت أصحّي الصمت وأولّع الأنوار .
4/ لعل وعسى : دعوة محب ن عليها أمّنت ..
لو إنه تعدّى موسم الخير والامطار .

**** عواض :
1/ على أطراف موجك يابحر بالشعر دوزنت ..
لكن رهبتك كبرت بعيني وأنا بحار .
2/ وقفت بذهول النابه وبعدها آمنت ..
بأن الشراع يتوه في حومة التيار .
3/ عليك الله أكبر يابحر كل ما تَمعّنت ..
لقيت إن تجديفي بشاطيك لعب صغار .
4/ وأنا لو على لوح الخشب جيت وتشيطنت ..
دريت إن لوحي ريشه إن لفّه الإعصار .

**** أبوسامي :
1/ تركت الحجر والّلِبن والطين والإسمنت ..
وشيدت لك جنة من الحب والإكبار .
2/ وفي الما تحديت الصعوبات واستوطنت ..
وصغت المواجع تضحيه والألم إيثار
3/ ولولا سعة صبرك يابحار ماهيمنت ..
ولا جبت هذا الدر واللول والمحّار .
4/ على وجهتك شفني تياسرت وتيامنت ..
تبيني أروح إيمين والا أروح إيسار .

**** عواض :
1/ على رفقة الوافين شرواك كم لحنت ..
وغنيتها مسحوب .. ياسيفنا البتار .
2/ تواضعك من طيب اصلك ولا حشا ما شنت ..
إلى شان راعي زمّةٍ ماوراها كار .
3/ قبس ضوحنا من نارك وحولها دندنت ..
وياما وياما حولها دندن الشعار
4/ وانا صرخة ن في بيد وبداخلي كفّنت ..
جروح الزمان وفي رجا رحمة الغفار

••••••••• تمت ••••••••••••

المعاصره والحداثة وملكة الشعر بكل محتويات الجمال تجتمع في أطروحات شاعرنا أبو سامي
وهذا يجعلنا نبحث عنه دائما
3/ ولو كنت تبغي الأجر صليت وتسنّنت ..
وأخذت إلك بعد الحج عمرة مع العُمار .


كذلك لا أنسى بأن الشاعر عواض أبوشراره قد جارى الجمال بالمثل فأبدع وهوا كذلك دائما
2/ وقفت بذهول النابه وبعدها آمنت ..
بأن الشراع يتوه في حومة التيار .





شكرا لك الحمدان

اشكرك اخي سعد عبدالرحمن
وبارك الله فيك

2/ أشوفك يابوصالح على الذكريات أدمنت ..
وسكرت ديوانية البوح بالأعذار .

///////////

بناء على هذا البيت يجب أن نرى الشاعر عواض في تجديد شعري مستمر لكي يطرب له الشعر كما كان !
فهوا شاعر يمتلك من المفردات ما يجعلنا ننادي بحضوره

2/ أشوفك يابوصالح على الذكريات أدمنت ..
وسكرت ديوانية البوح بالأعذار .

///////////

بناء على هذا البيت يجب أن نرى الشاعر عواض في تجديد شعري مستمر لكي يطرب له الشعر كما كان !
فهوا شاعر يمتلك من المفردات ما يجعلنا ننادي بحضوره

مع اني طرقت الباب مرات واستاذنت
وحاولت اصحي الصمت واولع الانوار

الله على ابداعات ابوسامي ولاهنت ياعواض فقد جاريت شاعر افتقدناه كثيرا شكرا من الاعماق لك اخي الحمدان على ما تقدمه لنا

صح لسان ابوسامي وصح لسان عواض ابوشراره
على هذا الابداع
شكرا اخي الحمدان على حضورك المميز

اشكركم على مروركم وفقكم الله
لكل خير وصرف عنكم كل شر

روووعه ماشاء للله

صح لسان ابوسامي وصح لسان عواض ابوشراره
على هذا الابداع