قصيده من الشاعر الكبيرسعيد بن عبدالله بوحدره(ابوماجد)..رد على قصيده سابقه للشاعرعبدالرحمن بن جروان

بسم الله الرحمن الرحيم

هذه القصيده للشاعر الكبير سعيد بن عبدالله بوحدره(ابوماجد)..رد على قصيده سابقه وجهها له الشاعرعبدالرحمن بن جروان(ابونايف)
..................................

( الـقـصـيـده )

على الله ياشاكي من الضيم والنيا .... مثيلك فؤادي كم نهدي ولا راقي

ماغير اطالع في النجوم السواري .... اسلي فؤادي مع مصابيح الأفاقي

فلا ياهجوسي جاوبيني بما جرى .... مع نجمة الساري لها نثني الساقي

والا يا بنات الفكر لفي وحلقي .... وهاتي علوم الكون من غرب واشراقي

وهلي بمرسول(ن) لفتني قصايده .... عدد ماسجع ورق(ن)على غصون الأوراقي

أبونايف أرسـلي وعـارف رسـالـته .... وكنه على حدب المعاليق لي واقي

هـلا بالنديم الحـر مـا حلـق الفـضـا .... وله في النوايف والشواهيق ملباقي

يـمد النظـر والحـر يعـرف مـصيره .... لاشـام مـن ديـره بالأجـناح صفاقـي

ولـكن قالوا الحر يرجع ديــاره .... ولو يملك اجنيهات طاق(ن) على طاقي

وأنا فـي ديار(ن) علها الوسم والحيا .... ديار الهلالي حلها كل عملاقـي

نـزلها الهلالـي واحـتـضنها وحبها .... وكـلٍ عـلى ربعـه مـحـبٍ ودراقـي

ولكن حاضرنا عن الماضي اختلف .... نشوف العلوم كبار وصغار ودقاقي

فا الاجواد نضرتها بعيده وتحتمي .... ونرفق بمن لاحب علمي ومرفاقي

أبونايف ارجـع للذي هاض هاجسك .... بعد مابينت لـك بعض الاعواقي

أبونايف الاسماء كثيره وتنتمي .... ترى الهلالي علق اسمه وبه فاقي

نحب الحقايق والحقايق تغيرت .... وحنا سوى في الشآن مافيه فراقي

أخويه جحدني وانكر اسمي وقسمنا .... ولكن تدري الناس من كان زهاقي

وعـين الحقـيـقه ذكـر هـذا وهـذا .... وللعـلم راس اللـي بـدا العـلم مشفاقي

ولانشره الجمال حيث انه مكروي .... رسم له طريق ٍ جنبه صح الاطراقي

ترى الشاعـر يميز ويدري بما جرى .... ويحط لـه مع كـل جـمـال معلاقـي

هــذا كــلام اللـي يـثـمـن كـلامـه .... ولاتـنتمي كـفـي مـع كــل صـفـاقـي



والسلام عليكم ورحمة الله وبركاته

مع الشكر الجزيل للشاعر الكبير ابوماجد
تنويه/ قصيدة الشاعر ابونايف موجوده في ديوانه بالصوت