بعد الغياب ... مصافحة جديده

يا صاحبي صبرك على الحظ لا ضام
واصبر على ضيق الليال ونكدها
لا تكترث للهم ولو الفرح صام
واللي يدوّر للسعاده وجدها
واللي تكدر من صواديف الأيام
حظه تعثر والسعاده فقدها
وخلك من اللي هرجهم دوم لوّام
واحذر من غيومً تصافق رعدها
وخلك من اللي تفقدوا فيك الآثام
لا تنزعج لو هي تزايد عددها
اللي نقده أقوام يعجب له أقوام
وهذي الحياة بضيقها مع رغدها
ولا تنزعج لو النكد بالصدر دام
ما ضاق رجآل همومه جحدها
ما يذبح الرجال لا كثر الآلام
ولا كلام اهل الهزال وحسدها
ولا تكترث لو ترفض كل الأعوام
من ناس تعرف قل أدبها بمهدها
وإذا سعيت لمجدك وجاك هدام
قله يا زين اللي تغني وحدها
مالك وماله وامش في الدرب قدام
هذي حثالة قوم وهذا شهدها
وإذا لمحت الهم في مهجتك حام
بقول لك بيتً بيمحي مددها
إن طولت بلواك يا صاحبي نام
نومة هنا يا حظ منهو رقدها
وإن كنت صوب الجنة تسوق الأقدام
هذي دروب الخير وهذا بلدها
وإن لك رصيدً يرضي لك رب الأعلام
زدها يا باغي الخير زردها وزدها