منتديات قبائل شمران الرسمية


إضافة رد

 
أدوات الموضوع إبحث في الموضوع انواع عرض الموضوع

قديم 01-04-2010, 01:26 AM   #1
Photobucket
 

صوت المنتدى is on a distinguished road
افتراضي الألفيه // للشاعر.. سعيد عبدالله أبوحدره الشمراني

السلام عليكم ورحمة الله وبركاته


قصيدة الألفية للشاعر الكبير /
(( سعيد عبدالله أبوحدره الشمراني ))
$$$$$$$$$$$$$$$$$$$$$$$$$$


ألف تولفنا ومن بونا آدم
سبحان من يوجد إلى راد عادم
عن الشر يمنعنا وللخير قادم
الله خلق ذالكون له ما يشأ فيه


الباء بذكر الله دواماً بدينا
نبدأ بذكر الله وبه لانتهينا
يالله تجعلنا من المسلمينا
قد قلت من يطلبك يالله تعطيه


التاء تولى الله جميع الخلايق
دنياً تجمّعنا وتالي فرايق
من كان مهموم ومن كان رايق
من تضحك الدنيا لزومٍ تبكيه


الثاء ثلاث خصال من صابهم صاب
توحد إلهٍ حاضرٍ معك ما غاب
وذكرالنبي واجبٍ على كل الأحباب
بالوالدين أوصاك قبل إن تلاقيه


الجيم جاوب واحترم في الجوابي
ما قل دل اللي يريد الصوابي
والصمت محبوب ولأهله حسابي
راعيه سدّه ماحدٍ يطّلع فيه


الحاء حوالك غبّها لوك محتاج
من عز نفسه ماهرج فيه هرّاج
واصبر ويفرجها سريعٍ بالإفراجِ
كريمٍ إذا ما مد تغني عطاويه


الخا خويك لاتضيّع جميله
دنياً مع أهل العرف عدله وميله
كم سارحٍ فيها ويطوي صميله
وتالي حياته قام يصفق بأياديه


الصاد صبرك فالليالي طويلة
والصبر مفتاح الفرج واالجميله
ومن لا صبر ذالوقت ياعزتي له
تكثر هواجيسه وتكثر طواريه


والضاد ضيفك حشّمه بالكرامه
نصف القرى ترحيبةٍ وابتسامه
وأقضه لزومه لاتخيّب مرامه
ومن قدّم المعروف لازم يلاقيه


الطاء طوتنا أيامنا والليالي
المستريح اللي من الهم خالي
ومن سار في الدنيا يعرف الرجالي
وناسٍ يباعون وناسٍ بالعون تشريه


والظاء ظوانا الليل ياما ظوينا
ذيبٍ يخاوينا وياما سرينا
ولا حسّبت إن بعت والاّ شرينا
وياما حلا وقتٍ مضى في تساليه


والعين عينك في حياتك دليلك
توَقفك في العّز والاّ تهينك
واختر خويٍ للجمايل يعينك
يعرف مرامك قبل ما أنت تحاكيه


والغين غبّ السد فإنه وداعه
وخلّك محبٍ للخوي والجماعه
والذيب ما ياكل لحم من ذراعه
يعدي ويبدي ذيب ما أحلى طواريه


والدال دل اللي يحب الدلاله
ومن لا يوّد الشور مالك وماله
خلّه ترى الدنيا بتثني عقاله
ويندم على مافات خسران ماضيه


والذال ذيبٍ لاعوى له تراغيب
لا زاع صوته يحضر الراي ويغيب
بيني وبينه عهد ما نرخص الذيب
صحيح الذي ما يعرف الصقر يشويه


والراء رأينا البعض يكره قريبه
مصيبةٍ ياناس وأكبر مصيبة
لجل الطمع مافيه شكٍ وريبة
وبردالثمن مرٍ يبيعه ويشريه


والزاء زلاّت القريب إحتملها
لأجل الجميله من جملها جملها
لو جارت الحمله نقلها نقلها
يباري القوافل لين حمله يودّيه


والسين سالو من تنشّد عن الناس
مثيل من يبني بناية على ساس
والاّ تضيع أفكاره أخماس واسداس
ترى من نشد ماتأه دربه يلاقيه


والشين شاور لا تخالف هل الشور
والصقر لا حلّق يوقع مع صقور
واما الرخم عاداته يلف ويدور
يقصر عن المبدأ ولا يعتني فيه


والفاء فوات الوقت والله خساره
ألاان يكن في محبة الله تجاره
والرابح مصافي قريبه وجاره
ومن يوذي العالم عسى الله يوذيه


والقاف قاف المعرفه من حكمها
والشاعر الممتاز يرفع علمها
ولا يبيع ويشتري في ثمنها
وراعي المثل من حكمته يعتني فيه


والكاف كانوا الناس في عصرٍ أول
شيمه وقالاتٍ وعلمٍ يطّول
وكلٍ يوفي صاحبه لاتقّول
تجي روم والاّ مغربي في مغازيه


والميم مد الساق في صحبة أمجاد
كم من صديقٍ فايت الدار لك فاد
خل الذي صدقته دلّه وبراد
همٍ يصفّق له وآخر يناديه


والنون نارك خلها في سناها
أخبار حاتم رحم ما احلى نباها
تبقى الجميله يربح اللي شراها
ترى الله كريمٍ وكل الأمة عطاها


والواو ولدك علمّه بالمواجيب
لا جوه خطّارٍ يثني التراحيب
وحماّل شيمة في الصلي والأقاريب
بع الشجرة اللي ما يضلل سناها


والهاء هوانا في مجالس هل الخير
ربعٍ لهم حشمه وشيمه وتقدير
ويقّدرون أهل الوفا صغير وكبير
سيوفٍ تبرّع يجمل اللي قناها


والياء يالله تحمنا وتقبل عملنا
واجعل جنان الخلد يالله سكنّا
وصلاة ربي على اللذي ماظلمنا
وبين لنا الأسلام وارسى مبانيه



صوت المنتدى غير متواجد حالياً   رد مع اقتباس
قديم 02-11-2010, 05:44 PM   #2
 

الحد الجنوبي is on a distinguished road
افتراضي رد: الألفيه // للشاعر.. سعيد عبدالله أبوحدره الشمراني

صح آلسسآإنك يـآإبـو مـآإجـد ... آبــدآإع بكل مـآإ تعنيه آلكلمه ..
على آلقوهـ آن ششآإء آلله .. وآلله يطول بعمرك ..
نرجـو آلمزيد عن آبـو مـآإجد .. وخــآإصه شعر آلغزل ..
تحيـآإتي ...



الحد الجنوبي غير متواجد حالياً   رد مع اقتباس
قديم 02-11-2010, 07:05 PM   #3
اداري سابق
 

محمد مزهر is on a distinguished road
افتراضي رد: الألفيه // للشاعر.. سعيد عبدالله أبوحدره الشمراني

بيض الله وجه اخي صوت المنتدي على النقل

وبيض الله وجه الشاعر ابو حدره على البيات الجميله والفذه
تقبلو مرورى



محمد مزهر غير متواجد حالياً   رد مع اقتباس

إضافة رد

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
ألف مبروك التوأم لعبدالله سعيد أبوحدره سعد عبدالرحمن الزواجات والأفراح والتهاني لقبائل شمران 19 06-07-2010 05:45 PM
قصيدة الشاعر الكبير : سعيد عبدالله أبوحدره الشمراني في حفل تكريم أبوسامي سعد عبدالرحمن منتدى الشاعر محمد بن ظافر الشمراني 6 06-18-2008 11:16 PM
الألفيه // للشاعر.. سعيد عبدالله أبوحدره الشمراني احب الشعر ديوان الشاعر سعيد بن عبدالله بوحدره الشمراني 9 10-31-2007 09:03 PM
(( الدنيا )) للشاعر .. سعيد عبدالله أبوحدره الشمراني احب الشعر ديوان الشاعر سعيد بن عبدالله بوحدره الشمراني 10 10-31-2007 09:02 PM
الشاعر / سعيد بن عبدالله أبوحدره سيف شمران ديوان الشاعر سعيد بن عبدالله بوحدره الشمراني 8 10-31-2007 09:01 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية