قصيده للشاعر زهير بن مداوس رد عل قصيده ابو نايف عبدالرحمن بن جروان

اخواني الأعزاء هذه القصيده احببت ان ارد بها على اخي الكبير في مقامه العزيز على قلبي ابو نايف ارجو ان يكون

ردي مرضي لكم ولبو نايف ولكم مني كل تحيه واحترام



يا مـــرحبا والمحـــــبه فــــــوق الأثمــان
لو شان بي الوقت والله ما يزحـــــزحها

يا مــــــرحبا والمحــبه لأبن جــــــــروان
اكبر من الــــوصف لو حاولت ابشــرحها

اعيش لأجل الوفاء والطـــيب ينصـــــــان
مـــاني بمن خـــــــوته بس ابمــــدايحها

اربى بنفســـــــي ولا أتبع كل خــــــوان
ناس على غـــــدرها يكثــر تبـجـــحها

صداقة الصــدق لأهل الصدق بــــــــرهان
على الـــــوفاء والغـلا تبــني مصالــحها

يكفيني القى بهذا الــــــــوقت انســــــان
على الوفاء مـد كــفه لأجل اصــــــافحها

وأنا على ما تبي ياطيــــــــر حـــــــوران
تفـــداك من حقــــدها اكبـر مطامــــحها

تشكي علي الــــــزمن يوم الـــــزمن شان
صكات بقـعا ســــــريــعه من يكافـــحها

أنا ادري انك تعـــــــاني فــــوق الأمكان
الحــزن نفـــــــسك يســارحها يــــراوحها

لكن تصبـــــــــر وربك عـــــــالي الشـــان
نفسك ولو قفــلت بالحـــــــــــزن يفتــحها

وعلي لك الله فقيـــــــدلكل شمــــــــــــران
لكن مقــــادير ربك صـــــــــاح صايـــحها

ولو كان بالحـــــزن يرجع مــــــوت خـلان
نحـــزن وكل البشــر بالحـــــــزن ننصحها