ماتضوي الشمس

ماتضوي الشمس ظلمة ليلي الداجي
النور نورك وباق النور ما ليبه
ياللي لفيتك من الايام محتاجي
حاجة غلا مابها شكه ولاريبه
قضيت عمري من حروب الغلا لاجي
في دار شوقك ليا طالت بك الغيبه
قد لي زمان مضى مايضحك حجاجي
والحزن يحسب من ادموعي مكاسيبه
واسامر النجم في هامات الابراجي
وارقى بضلع الشقى واقنب معا ذيبه
كن الزمن لاسمع من حره خلاجي
يزيد في ثومة الخفاق تعذيبه
قصف الجفى بالحنايا قصف ميراجي
وخيل الامل يشذب الواقع عراقيبه
والضيق تلفى فووده مثل الافواجي
ويلوي على الصدر لين انه يولي به
والحب مركب تصافق فيه الامواجي
يأخذ مع الموج تشريقه وتغريبه
مافيه حين من اسباب الهوا ناجي
ياعظم بلواه يامكثر مصاويبه
هذا قصيدي وهذا صافي انتاجي
شعرن هل الحب لاغنته تبكي به
يوسف الشمراني

وعليكم السلام ورحمة الله وبركاته

يوسف الشمراني
حياك الله وهلا وغلا ومرحب فيك
حضور مميز وقصيده رائعه فصح لسانك

الشاعر يوسف الشمراني
شكرا على هذه القصيدة المميزة
ودمتم بخير

قصيدة مميزة
شكرا لك
تحياتي الوردية ...
لكـ خالص احترامي

شكرا لك على الطرح المميز
كلمات رائعة
دمت برعاية الله

كلمات رائعة
يسلم قلمك الجميل شاعرنا يوسف الشمراني
ولك اجمل تحياتي وارقاها