ياسعد ويش علاج حب الغنادير

ياسعد ويش علاج حب الغنادير
واليوم صورتهن على كل شاشه
واهل القلوب الخضر راحو مكاسير
من طاح منهم ماقوو في انتعاشه
لاطرقت شقراء شعرها دعاثير
من زينها صاب العظام ارتعاشه
رموشها صفة جيوشن طوابير
وخدودها ابيض من عقود شاشه
والنهد ينتق ثوبها والازارير
ياسعد من بالخمس ياسعد ناشه
والخصر ناحل فيه للجوع تصوير
والردف شابع قام يمزع قماشه
والوجه ابيض من حليب المصاغير
والثغر يبرق مثل برق الفلاشه
وعيونها بحرن يغط البوابير
تغدي لجوف اللي نضرها حشاشه
من شافها ماعاد له رغبتن غير
الا تصير خشيرته في فراشه
ومصيالهن يحتاج صرف الدنانير
وصاحبك مايكفي لقوته معاشه
ويخاف يمضيى العمر ماصار تغير
ويذوق وصل اللي على الغيد باشه
لاشاب راسه للعذارى معاذير
عضمن يبس ماينطمع في عراشه
وصاحبك يالفزعي وطته المقادير
وماضي وحاضر حرق الوقت جاشه
جيوش حزنه فوق صدره مغاوير
مبطي ووجهه مايعرف البشاشه
يبكي ليا غرد على غصنه الطير
ولاشاف فوق الورد حوم الفراشه
لوعات حبه حرها ينشف البير
وهاجوس شعره مايوقف نقاشه
ويصبر على ضيم الحظوظ المدابير
واليوم عظم الصبر صابه هشاشه
وختامها على النبي سايق الخير
صلو عدد هل السحاب برشاشه
يوسف الشمراني