منتديات قبائل شمران الرسمية


ديوان الشاعر زهير بن حمدان الشمراني قصائد ابوماجد تجدونها هنا

إضافة رد

 
أدوات الموضوع إبحث في الموضوع انواع عرض الموضوع

قديم 12-01-2016, 01:41 AM   #1
 

ال حمدان is on a distinguished road
افتراضي تكريم حوفان بن احمد

تكريم حوفان بن احمد

بديت الكلام وخير مبداي ذكر الله
عليه اتكلت من الشياطين والزله

الاه عسانا في عراويه لزامه
ولا ننحرم شوفته ونعيش في ظله

واصلي على من بالرساله بعث رحمه
على صاحب الوجه الأغر واجمل الطله

محمد فديته وافتدي وطي رجلينه
وسود القلوب تموت وصدورها غله

عليهم من الله ماعلى ابليس واعواته
وعسى الله يهلك كافر الدين ويذله

بعدها سلام الله على القيف واللابه
رجال القنا والحرب والسيف والسله

بني عمي اللي كل ماضاق لي خاطر
تذكرتهم وانزاح هم الشقاء كله

شمارين للعليا عليها تربينا
وحب الرجوله نعتبرها من المله

شمارين عشنا ماضي الوقت والحاضر
وحب الوطن فينا ونفداه ونجله

وحب الملوك بدمنا وانتباهابه
عسى الله يحفظ مملكتنا وعبدالله

ملكنا وحب الشعب يجري بشريانه
ومن حبنا نغليه تقدير ورضله

وسلمان يبقى للملك عضده الأيمن
ولي العهد سلمان سلمان كفوله

ولانا لهم مادام للشرع حكامه
وطاعة ولي الأمر واجب ونعجله

ومن دون ربعي واسم ربعي تراحيبي
هلا والضيافه قدرها العود والدله

هلا بالضيوف وكل رجال له قدره
عدد ماتعلا بالسماء نجوم واهله

هلا مرحبا بالشيخ عايض وبقدومه
ياشيخ حويت العلم والعلم لك كله

سلالة شيوخ بين الأجواد معروفه
ومن لا عرف طبب ال مجدوع به خله

هلا والبشاشه تعتلي وجه من ضيف
ترى الأبتسامه تذهب الضيق والعله

وهلا قلتها يابو سعد وانت تستاهل
يا مقدم هل الناموس والطيب تحتله

هلا وانت شيخ نفتخربه وله قدره
وتقدير بن حوفان من طيب فعل له

بحفلة كريم الأصل والأصل شمراني
كريم علا بالطيب والطيب اصلله

تعلا المناصب وكل رجال بأفعاله
ومن له هدف بالعزم والجهد يوصله

عصامي وصل للي يبي بأجتهاداته
الأخلاص غايه والتهاون عدوله

سلامي على حوفان واسم تسمابه
يحوف الوفاء والطيب والطيب عزله

كريم السجايا والوفاء عادة الوافي
ولا يكسب الأمداح من كان به ذله

الى ذكرو رجال الوفا يذكر الحفظي
ومثله دروب الطيب تهواه وتدله

جميع الحضور ومن تشاهد لتقديرك
وقدر الذي فيه الكرم طبع وجبله

على بو علي تسليمنا حاضر وغايب
سلام الجميع لراعي الطيب قدرله

كريم وصل بالفعل والذكر للعالم
تعدى بفعله فعل حاتم وندله

وش اللي بقى من طبب ياعالي الهمه
وش اللي بقى من طيب الأجواد تشتله

جميع المراجل نلتها وانت راعيها
ومالك لها ما تحسبه دقه وجله

تبنيت فعل ماطرى لواحد غيرك
وهذه عوايد لأبن عوضه تسجله

على الخير عشت ودمت للخير بامسفر
وتبقى لنا يابو علي درع ومظله

عسى الله يحفظ من تجمل وجملنا
ومن دون ربعه له بصامات وادله

‎ والأخوان بالأفعال كل وله بصمه
يفاخربها والرجل فعله يدوله

علي وان ذكرنا بو محمد وصولاته
علي الحرام المدح بالخير ما مله

تعلا بفعل الطيب والطيب عنوانه
ما بين القبايل والمطاليق سجله

وبو عوضه اللي عاش والطيب في دمه
الى ضاقت احوال المساكين تزبله

ولا انسى محمد والوفاء عادة الطيب
على المرجله والطيب يبقى صديقله

ومدحي لبو فيصل والأمداح مرهونه
لسعد الرفيق وفخر بو ماجد وخله

وعبدالله اللي ما تقيصر عن القاله
صديق المراجل والمراجل تسهله

سلالة بني حمدان يا طيب مجناها
هل والشور والأشوار تعقده وتحله

ومني لبو عمار تقدير ويثنى
على كل جهد يبذله ويتزهله

لخدمة بني عمه وتقدير لربوعه
ومن عادة المطلق عنا الطيب ماكله

ولا يجحد افعال ابن عمار وجهوده
سوى اللي عماه الحقد والصدر به عله

نهاية بيوت الشعر ونهاية اقوالي
عسى الله يحمي منطقي الزود والزله



ال حمدان غير متواجد حالياً   رد مع اقتباس
قديم 12-03-2016, 08:17 PM   #2
المدير العام لمنتديات قبائل شمران الرسمية
 
الصورة الرمزية حسن بن عبدالله
 

حسن بن عبدالله is on a distinguished road
افتراضي رد: تكريم حوفان بن احمد

ال حمدان هلا وغلا ومرحب فيك
وشكرا لك على مشاركاتك القيمه

وصح لسان الشاعر الكبير
زهير بن حمدان صاحب الحضور المميز



التوقيع

نقره لعرض الصورة في صفحة مستقلة

( ابوحوفان )

حسن بن عبدالله متواجد حالياً   رد مع اقتباس

إضافة رد

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
تكريم الأستاذ / عوض بن علي بن حوفان آل رفيع الشمراني بمناسبة التقاعد سعد عبدالرحمن الأحتفالات التكريمية لأبناء قبائل شمران المتميزين 6 02-04-2014 11:55 AM
حفل تكريم الشيخ ـ حوفان بن احمد الشمراني ـ فيديو زهير الشمراني الأحتفالات التكريمية لأبناء قبائل شمران المتميزين 9 10-29-2012 11:47 PM
خبر هام : سوف يبث حفل تكريم الشيخ حوفان بن احمد على قناة شموس غداً الاثنين الساعه 9:30 مساء ابونايف الشمراني أخـبار قبائل شمران 4 10-15-2012 02:50 AM
قصيدة الشاعر بونايف في حفل تكريم الشيخ بن حوفان صوت المنتدى ديوان الشاعر عبدالرحمن بن جروان الشمراني 2 06-19-2012 02:44 AM
تكريم الشيخ/حوفان بن احمد الحفظي في يوم الوفاء والعرفان صبي الروحاء الملتقيات والمناسبات العامة لقبائل شمران 11 05-06-2012 05:28 PM

Powered by vBulletin® Version 3.8.7
Copyright ©2000 - 2020, vBulletin Solutions, Inc. Trans by
جميع الحقوق محفوظة لـ منتديات شمران الرسمية