عقد من الزمان

أحبتي أعضاء وزوار منتديات قبائل شمران
السلام عليكم ورحمة الله وبركاته
هذا النص إهداء مني وحصري لهذا الصرح
الشامخ وذلك بعد منحي وسام شاعر من إدارة المنتدى

سجل التاريخ تاريخ الفراق = وأحسب الأيام من يوم اللقا

وسجل المنتوج صبرٍ لا يطاق = وضف عليه هموم وجروح وشقا

مر عقد من الزمن مُر المذاق = كنت أذوقه حلو يوم إنا عشقا

لين قلبي من سبات الوهم فاق = ولملم أشتاته ولملم مابقا

وش بقا إلا زفرةٍ فيها أختناق = ودمع عينٍ كم على خدي سقا

مابكيتك لا بكيت أغلا الرفاق = عمري اللي ضاع في دنيا محقا

من هو اللي باق ضحكاتي وباق = أجمل الأحلام في قلبٍ نقا

أنت من خان المحبه والوفاق = بقلبي اللي كم على حبك شقا

خنت حبه وجاي تبغى الأتفاق = عقب كل اللي حصل ويش تهقا

أرحل أرحل دون توديع وعناق = أما أنا والجرح بنعيش رفقا