حياة الفتى مهما قوى باسه

قالو تعلمت قلت عناد وفراسه
..........اجاهد النفس والدنيا واصارعها
ودرست في مدرسه من شيبت راسه
..........دنيا العنا للي قضيفات مطامعها
تلميذها دايم تكتب بقرطاسه
..........تعطيه جملة دروس مايضيعها
والله عطانا نظر وشعورحساسه
..........ناخذ علوم المعرفة من مراجعها
ونساير الوقت ونقيسه بمقايسه
..........ونواجه النفس بالواقع ونقنعها
وترى حياة الفتى مهما قوى باسه
..........محفوفه بالخطر والموت تابعها
من مبتدى العمرحتى يلفظ انفاسه
..........يمر في مرحله تكثر زوابعها
اول حياة الفتىمشوار وعساسه
..........مسافه في عجاج العمر يقطعها
وثاني حياة الفتى تدريب ودراسه
..........تصعب ظروف الحياه وينشغل معها
وثالث حياة الفتى يرجع على ساسه
..........النقطه اللي بدا منها يراجعها
ياصل لسن الهرم ويضيع الطاسه
..........ويزحف مع الارض ويخطط شوارعها
ولياتلاقت متونه وارتخى راسه
..........ضاعت جميع العلوم اللي يجمعها

مشكور على القصيدة ..!!

تسلم لاهنت على النقل
اجمل تحيه وننتظر المزيد

لاهنت ياوافي
واشكرك عالنقل الجميل

شكرا جزيلا


تقبل مروري...أخوك الرسمي

تقبل مروري موضوع مميز

صح لسانك وبيض الله وجهك

اخي الكريم .:وافي الوافي:.

الله يحييك و يحيي ما يجود به قلمك هذه القصيده رائعه
و الاروع منها تواجدك بيننا
.:تقبـل تحـياتـي:.

يشرفني تواجدي بينكم وابدي شكري الجزيل لمن مر وعلق على موضوعي

اخي وافي الوافي
شكرا لك على هذه القصيده الرائعه
بارك الله فيك