أشوف بالمرعى مواطي ذيابة

القصيدة اللي منها البيت المشهور

قولوا لرعيان الغنم لا ينامون
أشوف بالمرعى مواطي ذيابة
وهذا تحذير لأولياء الأمور والحرص على أهل بيته ، لأن المفسدين يعملون لإفساد البلاد والعباد .!!

القصيدة :
للشاعر : أحمد بن عبدالرحمن العريفي الخالدي
(نديم المجرة)
و إليكم القصيدة كاملة

قولوا لرعيان الغنم لاينامون
أشوف بالمرعى مواطي ذيابه

قولوا لهم اخذوا الحذر لاتغفلون
كـم غـافـلٍ أصبـح حلاله نهـابه

و ترى الذيابه بالغداري يغيرون
والجوع ينْسيها الخطر و المهابه

والذيب مايومن على ما يقولون
يغـرس بارقاب الفرايس إنيابه

تلقون ضرب إنيابها كنّها طعون
وجر المخالب مثل جـر الحرابه

أشـوف أشياءٍ لـهـا ما تـشفـون
وتغيب عن بعض العقول النجابة

اقول قولي و الخلايق يعرفون
خير الملا من قبلنا قد حكى به

لابد ما يومٍ إلى الله تعودون
و كلٍ يبي يُسأل عن اللي رعى به

اللي رعوا بالشر للشر يجـنـون
واللي رعى بالخير يجني ثوابه

على مابنشوف يالحمدان اولياء الامور
راح يلزمهم يظلو صاحيين حياتهم كلها


تسلم على القصيدة المميزة
واختيار موفق

لك ارق التحايا واطيبها

المشاركة الأصلية كتبت بواسطة ريحانة الطيب

على مابنشوف يالحمدان اولياء الامور
راح يلزمهم يظلو صاحيين حياتهم كلها


تسلم على القصيدة المميزة
واختيار موفق

لك ارق التحايا واطيبها

ياهلا بالغاليه ريحانة الطيب
أشكرك لتعقيبك وتواجد بمتصفحي
وهذا من ذوقك كلماتك جميله جدا
كجمال حظورك
وهذا اكيد كلكم راعي وكلكم مسؤل عن رعيته
لك مني أجمل تحيه وتقدير لاعدمتك

مراقبنا القدير الحمدان
بوركت جهودك وتسلم على الطرح المفيد
لاحرمنا الله من نورك
قوافل التحايا لسموك

اخي الحمدان
شكرا لك على هذا التواجد الفعال
والمشاركات النافعه والمفيده
بارك الله فيك وجزاك الله خير

اشكركم على تعقيبكم الرائع
وتواجدكم بمتصفحي لاعدمتكم
لكم مني أجمل التحايا واطيبها