اختار وحدة وسمني

[حلو النبا]

اختار وحدة وسمَني


إن كنت صاحي ياعسى تصبح بخير
وإن كنت نايم جعلها نومة عوافي


قلت السوالف صاحبي ويآك غير
بآدق واسمع ضحكتك من قلب صافي


لكن نصيبي اسهره لين الأخير
ليلٍ طويلة ساعته و الهم لافي


ليتك تشوف صويحبك حاله مرير
يومه يباته بالحزن والفرح جافي


وليله سهيرٍ بالعنا قلبه كسير
يدوي أنينه بالحشا وإسأل لحافي


كلما اناظر صورتك قلبي يطير
من فرط شوقه لو حصل بيجيك حافي


في كل مرة انكر اني لك أسير
وارجع واسجل خيبتي معها اعترافي


حبك سكني داخل عروقي يسير
يجري كما الدم لين مااستوطن شغافي


صاير بدونك تايهٍ كني ضرير
لو هي بكفه شمس ماصار اختلافي


في وسط بحرك عاجز اوصل للاخير
ومن دون قشة شلون ارجع للمرافي


مجنون .. مغرم .. منلعن خيَر .. أسير
اختار وحدة وسمني مابه خلافي


بقلمي حلـــــ النبا ـــــو 17/11/1430 هـ

[عبدالله بن غصاب]

حلـــــ النبا ـــــو

مشاعر جميلة
وصح لسانك
وننتظر جديدك

[حلو النبا]

حلـــــ النبا ـــــو

مشاعر جميلة
وصح لسانك
وننتظر جديدك


اخوي عبدالله

الجمال في حضورك

صح بدنك

سعدت بمرورك

[صالح عسكر]

قصيدة في قمة الروعه والإحساس أخوي

وأعجبني البيت اللي قلت فيه :



في وسط بحرك عاجز اوصل للاخير
ومن دون قشة شلون ارجع للمرافي


كان التشبيه في هذا البيت دقيق جدا

لآ هنت أخوي وإحنا بإنتظار جديدك

ـأخوك / صالح عسكر

[حكيم البادية]

شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .

[حلو النبا]

قصيدة في قمة الروعه والإحساس أخوي

وأعجبني البيت اللي قلت فيه :



كان التشبيه في هذا البيت دقيق جدا

لآ هنت أخوي وإحنا بإنتظار جديدك

ـأخوك / صالح عسكر



ولاتهون اخوي صالح

الروعة تتجلى في حضورك

لاعدمت طلتك

[حلو النبا]

شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .



العفو اخوي صعب

اسعدني مرورك

لاخلا ولا عدم