لو خسرتك ماخسرت العمر والدنيا متاع..

[بــــ بركـــي ــن]

لو خسرتك ماخسرت العمر والدنيا متاع..
وأدري إني لو خسرتك ماخسرت إلا قليل..

بس فكر زين ..تعرف من خسر فينا وضاع..
وتعرف إنك لو تلف الأرض.. وتدور بديل..

والله إن تبطي ..ولو لفيت في كل البقاع..
ولو تسوي وش تسوي ماأنت لاقي لي مثيل..

وين تلقى مثل شخصي شخص..وطباعي طباع..
ووين تلقى مثل قلبي قلب..أو مثلي خليل..

البشر واجد..نعم..لكن فرق الأنطباع..
يجعلك يمي تميل ..ويم غيري ماتميل..

يارفيقي إنتبه..!وأحسن إلي الإستماع..
للمواقف دور في كشف المزيّف..والأصيل..

وأنت ماقصرت فيني ..موقفك جداً شجاع..
طعنتك في الظهر فعلاً كانت إثبات ودليل..

بيض الله وجهك اللي ساتره خلف القناع..
ورايتك بيضا معاي وياعسى عمرك طويل..

يعني أعطيك الثقه وتردها بـ<لوي الذراع>..
ياخي ماشاالله عليك أبدعت في رد الجميل..

مدري كيف أشكرك ؟؟مدري كيف أرد الصاع صاع؟..
كنت احسب إنك عزيز النفس..تطلع لي ذليل!!..

كم وأنا عييت أصدق فيك قدر المستطاع..
من غبائي كنت أسكت وأعذرك وأثر الحصيل؟..

جرح قلب.. ميزته في كل يوم الإتساع..
ودمع عينٍ ينهمر من ضيقتي..في كل ليل..

والله إني كنت أحبك حب.. وأتبعك إتباع..
كنت لجل أرضي غرورك بس أسوي المستحيل..

كنت أعمى فيك..إلا كنت ميت للنخاع..
كنت مدري كيف؟ لكن كنت صادق معك حيل..

كنت أمارس في غرامي لك سياسة الإنصياع..
وكنت لاغي معك فكرة أعتزل أو أستقيل..

إندفعت بكل مافيني ..وسوء الإندفاع..
يجبر الإنسان أحياناً.. يفكر بالرحيل..

صدمتي فيك إنت..خلتني أفكر بإقتناع..
إن قتل النفس راحه لو أنا كنت القتيل..

إنفجر راسي من التفكير..وأشتد الصداع..
كيف أنا بفتك من جرحك؟؟ودوشة<<قالٍ وقيل>>..

صرت سيره في حلوق الناس وتالي هالضياع..
أنتحر!!معقول؟؟ يالله وش هذا الغليل؟؟..

رحمتك يارب لامن ضاقت امنحني الوساع..
إنت حسبي في الزمان الجاير ونعم الوكيل..

لاغدى <مستقبلي والماضي> أطراف النزاع..
وصفحة الماضي سواد وشيء من هذا القبيل..

فلازم أنسى لجل أنهي بداخلي هذا الصراع..
ولازم أتقوى ..عشان أحقق النصر الجليل..

وطالما إن الهجوم أفضل وسيله للدفاع..
مستحـــيل أرضخ لو إن الحمل ياربعي ثقيل..

والبخيل اللي نساني وإشترى فيني.. وباع..
يـــذلف الله لايرده.. والله بجرحي كفيل..


وإن سأل عني..وجاكم بعد فترة إنقطاع..
علموه إني نسيته بس أنا ماني بخيل..

طالما كان السبب في قوتي.. قبل الوداع..
بلغــــوهـ أقل شيء بخالص الشكر الجزيل..



مما راق لي ,,

[فيصل الساهري]

وقد راق لي ايضا عزيزي
ارحب بك عزيزي بن بركي ... واشكرك لما قدمت

قصيده رائعه وجميله .. ولو ان لهجتها قويه

[بن عسرى]

رحمتك يارب لامن ضاقت امنحني الوساع..
إنت حسبي في الزمان الجاير ونعم الوكيل..

الله عليك قصيده في قمة الروعه تقبل مروري

[عبدالله علي بركي]

ابن بركي اختيار جميل بارك الله فيك .
كنت اتمنى معرفة اسم الشاعر .

[بــــ بركـــي ــن]

وقد راق لي ايضا عزيزي
ارحب بك عزيزي بن بركي ... واشكرك لما قدمت

قصيده رائعه وجميله .. ولو ان لهجتها قويه


اشكرك اخوي فيصل وهاذا مايدل الا على ذووقك الرفيع عزيزي

والله يبقيك ويسلمك .,.,
واشكرك على المرور يالغالي.,.,

[بــــ بركـــي ــن]

ابن بركي اختيار جميل بارك الله فيك .
كنت اتمنى معرفة اسم الشاعر .



الله يعطيك العافيه .,.,
وذوقك هو الاجمل.,.,.,.
..... نورت متصفحي بطلتك .,.,.,.


وافيدك بأسم الشاعر/الشاعر محمد الشهري

[بــــ بركـــي ــن]

رحمتك يارب لامن ضاقت امنحني الوساع..
إنت حسبي في الزمان الجاير ونعم الوكيل..

الله عليك قصيده في قمة الروعه تقبل مروري



مشكوور اخوي بن عسرى .,.,.

انت الارووع يالغالي.,.,.,
نوورت المتصفح بمروورك ,,,,,,,,,,

[مي م.ط]

اشكرك بن بركي ع القصيده الجميلة

[رافع الهامة]

قصيده رائعه واختيار موفق ياأبابرك بارك
الله فيك وكل عام وأنتم بخير تقبل مروري
وشكرا لك***

[عذبة الروح]

وإن سأل عني..وجاكم بعد فترة إنقطاع..
علموه إني نسيته بس أنا ماني بخيل..

فعلاً راااائعه .. كلكــ ذوووق .. تقبل مروري