مجاراة لشاعر قحطان / أهداء للأخ عبدالله سعد الشمراني

[غيثان الكثيري]

السلام عليكم ورحمة الله

أخواني الأعزاء القائمين على هذا الصرح الجميل من إدارة وأعضاء

يسعدني وجودي بينكم ومشاركتكم دائماً بما استطيع من كتاباتي الخاصة

القصيدة التي قرأتها هنا لأحد شعراء قحطان والتي نقلت من الأخ العزيز

عبدالله بن سعد الشمراني حركت شيء بداخلي فجاريتها ببعض الأبيات

وليس كل من يكتب الشعر شاعراً وهــذا أعتراف مني بعــــدم إجـــادة

هـــذا النوع من الشعــر وهي مجرد محاولة أتمنى أن تنال أستحسانكم


رحـــبت بالضيف بان العـــز بعيونة
::::::::::::::::كـــفيت يابوسعــد واكـــرمت طالبها

مــن قهــوتك يالغلا بيحــت مكـــنونه
::::::::::::::::نشمي وشمران تفخـــر بك وتطربها

شــمران تاريخـــها ثابت ويقــــرونه
:::::::::::::::: وامجادها خير شاهد في مضاربها

في العز طيب النفوس بحب يعطونه
:::::::::::::::::ووقت الشدايد يموت اللي يحـاربها

وقحــطان ونعم بهم بالروح يفدونه
:::::::::::::::::من يعتزي ما لحـــقهم لوم يعـقـبها

والخــسار اللي يعــاديهم ويعــفونه
:::::::::::::::::طـلابة المجــد قــبل المجــد يطلبها

وانا كثيري واحــب اللي تحــبونه
:::::::::::::::::الحال واحــد وخــثعم من مكاسبها

ان الولد مـن صــغر ســنه يربونه
:::::::::::::::::للمرجلة والعلوم اللي الطيبة جبها

ســـــلامتكمـ ...............

[محمد مزهر]

اخي غيثان ابيات في غاية الروعه والجمال
بيض الله وجهك وكثر من امثالك

[حسن بن عبدالله]

مطلق اخي الشاعرغيثان الكثيري ومثل ماذكرت
الحال واحد فصح لسانك على هذه المجاره الجميله

[سعيد بن منجية]

صح لسانك ياشاعرنا غيثان ولا هنت

تحياتي

[أميرة الورد]

صح لسانك

ولك كل الشكر أخوية ,,, غيثان

ع هذي الأبيات الجميلة

الله يعطيك العافية


http://www.shamsqatar.com/up3/get-1-2008-ob9n5zix.gif (http://www.shamsqatar.com/up3)

أميرة الورد

[الشمرااني]

اول ما اقول انت وافي وما قصرت وصح لسانك
وابيات ماعليها كلام والله يبيظ وجهك ولا يهينك
وانت والله جملتني وبيظت وجهي بهالرد الوافي الكافي
وخوي شاف الرد واثنى عليه
اشكرك مره اخرى والله لا يهينك

[غيثان الكثيري]

بيض الله وجيهكم يالنشاما

وان سعيد ان ابياتي نالت إعجابكم

وجملتني من أخوي عبدالله الشمراني

تحياتي وتقديري

[بلاد شمران]

صح لسانك ومرحبا الف في شمران